އއ. ތޮއްޑޫގެ އެކި ހިސާބުތަކުގައި ތަކުރާރުކޮށް އަލިފާން ރޯކުރި މައްސަލައިގައި ދެ މީހަކު ހައްޔަރުކޮށްފި އެވެ.
ފުލުހުން ބުނީ ތޮއްޑޫގައި އާންމުންނަށް އުދަގޫވާ ގޮތަށް ރަށު ތެރޭގައި އަލިިފާން ރޯކުރާ ކަމުގެ ޝަކުވާތަކެއް ފުލުހުންނަށް ލިބެމުން ދިއުމާ ގުޅިގެން މިދިޔަ ބުރާސްފަތި ދުވަހު ކޯޓު އަމުުރެއްގެ ދަށުން ދިވެހި ދެ ފިރިހެނުން ހައްޔަރުކޮށްފައިވާ ކަމަށެވެ.
ހައްޔަރުކޮށްފައިވާ 42 އަހަރުގެ މީހަކާއި 38 އަހަރުގެ މީހެކެވެ. އެ ދެ މީހުންގެ ބަންދަށް ކޯޓުން އިއްޔެ ވަނީ ދެ ދުވަހުގެ މުއްދަތު ޖަހާފަ އެވެ.
ފުލުހުން ގެންދަނީ މިމައްސަލަ އިތުރަށް ތަހުގީގު ކުރަމުންނެވެ.
advertisment