ކ. ގާފަރު ގެސްޓްހައުސްއެއްގެ ތެރޭ މަރުވެފައި އޮއްވާ ފެނުނު އަންހެން މީހާގެ ހަށިގަނޑު މާލެ ގެނެސްފި އެވެ.
ފުލުހުން ރޭ ބުނީ ގާފަރު ގެސްޓް ހައުސްއަކުން މަރުވެފައި އޮތް މީހަކު ފެނިގެން ފުލުހުން ހަރަކާތްތެރިވަމުންދާ ކަމަަށެވެ. މަރުވެފައި އޮއްވާ ފެނިފައިވަނީ އަންހެނެކެވެ.
އެނގިފައިވާ ގޮތުގައި ގާފަރު އޯލްޓޯން ގެސްޓްހައުސް ތެރޭގައި މަރުވެފައި އޮއްވާ ރޭ އިރުއޮއްސުނު ވަގުތު ފެނުނީ އުމުރުން 28 އަހަރުގެ ނާޖިލާ ލުތުފީ ކިޔާ މީހެކެވެ.
އެ ރަށުން ވާހަކަ ދެއްކި މީހަކު ބުނީ އެ އަންހެން މީހާގެ ހަށިގަނޑު ރޭ ފަތިހު 4:30 ހާއިރު މާލެ ގެންގޮސްފައިވާ ކަމަށެވެ.
އަންހެން މީހާގެ ހަށިގަނޑު މާލެ ގެންދިޔަ ނަމަވެސް މަރުގެ މައްސަލަ ތަހުގީގު ކުރުމަށް މާލެ އިން ދިޔަ ފުލުހުންގެ ޓީމެއް އަދިވެސް ގެސްޓްހައުސްގައި ހަރަކާތްތެރިވާ ކަމަށެވެ.
