ރައީސް އިބްރާހިމް މުހައްމަދު ސޯލިހު ދެކުނަށް ކުރައްވާ ދަތުރުފުޅުގެ ތެރެއިން އައްޑޫ ސިޓީއަށް ވަޑައިގަތުމުން އެމަނިކުފާނަށް ހޫނު މަރުހަބާއެއް ކިޔައިފި އެވެ.
އައްޑޫގެ ގިނަ އަދަދެއްގެ ރައްޔިތުން ނިކުމެއް ރައީސަށް މަރުހަބާ ދެންނެވިއިރު، ގޭން އިންޓަނޭޝަނަލް އެއާޕޯޓުން އެންމެ ފުރަތަމަ އެމަނިކުފާނަށް މަރުހަބާ ދެންނެވީ އައްޑޫގެ މޭޔަރު އަލީ ނިޒާރާއި ކުރީގެ މޭޔަރު އަބްދުﷲ ސޯދިގު (ސޯބެ) އެވެ.
ރައީސްގެ މި ދަތުރުފުޅުގައި އައްޑޫ ސިޓީގައި ގާއިމްކޮށްފައިވާ ނޭޝަނަލް ކޮލެޖް އޮފް ޕޮލިސިންގް އެންޑް ލޯ އެންފޯސްމެންޓް ހުޅުއްވައިދެއްވުމާއި އައްޑޫގެ ތަރައްގީއަށް ސަރުކާރުން ކުރިއަށް ގެންދިއުމަށް ނިމިފައިވާ މަޝްރޫއު ތަކާއި މިވަގުތު ހިނގަމުންދާ މަޝްރޫއުތައް ބައްލަވާލެއްވުން ހިމެނެ އެވެ.
Residents of Addu City welcomed President @ibusolih and First Lady Fazna Ahmed upon their arrival. This is the second city the President and the First Lady are visiting on their current tour of Maldives’ southernmost cities. pic.twitter.com/PZhn4Fhzk5
— The President's Office (@presidencymv) March 26, 2022
އައްޑޫ ސިޓީގެ މި ދަތުރުފުޅުގައި ހިމެނޭ މުހިއްމު ކަންތައްތަކުގެ ތެރޭގައި، ބިން އިތުރު ކުރުމުގެ މަޝްރޫޢުގެ އެއްބަސްވުމުގައި ސޮއިކުރެއްވުމާއި، މަގު ހެދުމުގެ އަމަލީ މަސައްކަތް ފައްޓަވައިދެއްުވުމާއި، މަރަދޫ އާއި މީދޫ ބަނދަރު ހުޅުއްވައިދެއްވުމާއި، ހިތަދޫ މަސްޖިދް އިބްރާހިމް މިސްކިތް ހުޅުއްވައި ދެއްވުމާއި، ޕޮލިސް އެކަޑަމީ ހުޅުއްވައިދެއްވުމުގެ އިތުރުން ޑްރަގް ޑިޓޮކްސިފިކޭޝަން އެންޑް ކޮމިއުނިޓީ ސެންޓަރ ހުޅުވުމުގެ ރަސްމިއްޔާތުގައި ރައީސުލްޖުމްހޫރިއްޔާ ބައިވެރިވެވަޑައިގަންނަވާނެ ކަމަށް މައުލޫމާތުލިބިފައިވެ އެވެ.
ރައީސްގެ މި ދަތުރުފުޅުގައި އަައްޑޫ ސިޓީ ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީއާ މިރޭ ބައްދަލުކުރެއްވުމަށް ވަނީ ހަމަޖެހިފަ އެވެ.
އައްޑޫ ސިޓީން 236.5 ހެކްޓަރުގެ ބިން ހިއްކުމަށް ވަނީ ހަމަޖެހިފައެވެ. މި މަޝްރޫއު ކުރިޔަށް ގެންދިޔުމަށް ނިންމާފައި ވަނީ އިންޑިއާގެ އެގްޒިމް ބޭންކުގެ 800 މިލިއަން ޑޮލަރުގެ ލައިން އޮފް ކްރެޑިޓް ފެސިލިޓީގެ ދަށުންނެވެ.