އީދަށް ހާއްސަކޮށް މޯލްޑިވިއަންގެ ދެ ދަތުރު މެލޭޝިޔާއަށް!

ކުރިއަށް އޮތް ފިޠުރު ޢީދުގެ ޗުއްޓީއަށް ހާއްސަކޮށް މޯލްޑިވިއަންގެ ދެ ދަތުރެއް މެލޭޝިޔާގެ ކުއަލަލަމްޕޫރަށް ކުރަން ނިންމައިފި އެވެ.

މި ދެތުރު ކުރުމަށް ހަމަޖެހިފައިވަނީ އީދުގެ ކުރިން އެއް ދަތުރާއި އީދު ނިމުމުގެ ކުރިން އެއް ދަތުރެވެ.

މީޑިއާތަކަށް މައުލޫމާތު ދީ މޯލްޑިވިއަންގެ ޕަބްލިކް ރިލޭޝަންސް އެންޑް ކޮމިއުނިކޭޝަންސްއިން އަހްމަދު މުޝްހިލް ސޮބާހް ވިދާޅުވެފައިވަނީ އީދުގެ ކުރިން ފުރުމަށް ހަމަޖެހިފައިވާ ފްލައިޓްގެ ފުރުން އޮންނާނީ ޢީދު ޗުއްޓީ ފެށުމުގެ ކުރިން މި މަހުގެ 28 ގައި ކަމަށެވެ. އަދި ދެވަނަ ފްލެއިޓް ޝެޑިއުލް ކުރެވިފައިވަނީ އީދު ނިމުމަށްފަހު ފެށޭ މެއި މަހުގެ 7 ވަނަ ދުވަހަށްކަމަށް މުޝްހިލް ވިދާޅުވިއެވެ.

މި ފްލައިޓް ދަތުރުތަށް އީދާއި ދިމާކޮށް މޯލްޑިވިއަން އިން ކުރަން ނިންމި ސަބަބެއްކަމުގައި މުޝްލިހު ފާހަގަ ކުރެއްވީ އީދާ ދިމާކޮށް ކަސްޓަމަރުންނަށް ހާއްސަ ކަމެއް ކޮށްދިނުމެވެ. އަދި އޭނާ ފާހަގަ ކުރެއްވީ މި ފްލައިޓްތަކަކީ 200 ޕަސިންޖަރުންގެ ޖާގައިގެ ފްލައިޓުތަކެއްކަމަށެވެ.

މޯލްޑިވިއަން އިން މައުލޫމާތު ދީފައިވާ ގޮތުގައި މި ދަތުރުތަކުގެ ފެށޭ އަގަކީ ދެކޮޅަށް 399 ޑޮލަރެވެ. މިއީ ކޮޅަކަށް 199.5 ޑޮލަރެވެ. މޯލްޑިވިއަންއިން ބުނެފައިވާ ގޮތުގައި މި ފްލައިޓްތަކުގެ ބުކިންއަށް ހުޅުވާލެވިގެންދާނީ 17 އޭޕްރީލް ވާ އާދިއްތަ ދުވަހުން ފެށިގެންނެވެ.