ނ. ވެލިދޫ ދޯނި އެހެލާ ސަރަޙައްދު ހެދުމުގެ މަޝްރޫއުގެ މަސައްކަތަށް ބޭނުންވާ ބޮޑުހިލައިގެ ފުރަތަމަ ޝިޕްމަންޓް ގެންގޮސްފިކަމަށް އެމްޓީސީސީއިން ހާމަކޮށްފިއެވެ.
އެމްޓީސީސީއިން ބުނެފައިވާ ގޮތުގައި މި ޝިޕްމެންޓް ވެލިދޫގެ ޕްރޮޖެކްޓް ސައިޓަށް ގެންދެވިފައިވަނީ 13 އޭޕްރީލް 2022 ވަނަ ދުވަހުއެވެ.
އެމްޓީސީސީން ބުނެފައިވަނީ މި މަޝްރޫއުގެ ދަށުން ވެލިދޫގައި 3.48 ހެކްޓަރުގެ ސަރަޙައްދެއްގެ ބިންވެސް ހިއްކިގެންދާނެކަމުގަ އެވެ. އަދި 255 މީޓަރުގެ ސަރަޙައްދެއްގައި ރިވެޓްމެންޓް ޖެހުމުގެ މަސައްކަތްވެސް ކުރިއަަށްދާނެކަމުގައި އެމްޓީސީސީން ވަނީ ހާމަކޮށްފައެވެ.
މި މަޝްރޫއު އެމްޓީސީސީ އާއި ހަވާލު ކޮށްފައިވަނީ ޕްލޭނިން މިނިސްޓްރީގެ ފަރާތުންނެވެ.
މީގެ އިތުރަށްވެސް އެމްޓީސީސީ އާއިި ވަނީ ސަރުކާރުގެ ފަރާތުން ގިނަ ރަށްތަކެއްގެ ބަދަރު ތަރައްގީ ކުރުމުގެ އިތުރުން ބިން ހިއްކުމުގެ މަޝްރޫއުތަށް ހަވާލުކުރެވިފައެވެ. އަދި އެމްޓީސީސީގެ ފަރާތުން ދަނީ މި މަސައްކަތް ހަލުވިކަމާއިއެކު ކުރައްވަމުންކަން ފާހަގަ ކޮށްލެވެއެވެ.
