މާލޭގައި ހަ ކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެެއްގައި ހައްޔަރުކުރި މީހާ އަލުން ހައްޔަރުކޮށްފި އެވެ.
އެއް އާއިލާއެއްގެ ހަ ކުއްޖަކަށް ޖިންސީ ގޯނާކޮށްގެން ރިޕޯޓްކުރި މައްސަލާގައި މިދިޔަ މަހު ހައްޔަރުކުރީ 55 އަހަރުގެ ފިރިހެނެކެވެ. އެ މީހާ ހައްޔަރުކުރީ އިތުބާރުކުރެވޭ މަގާމެއްގައި ހުރެ ކުދިންތަކަކަށް ޖިންސީ ގޯނާކުރި މައްސަލައިގަ އެވެ.
އޭނާ ހައްޔަރުކޮށް ބަންދަށް ކޯޓުން ފުރަތަމަ ދީފައިވަނީ 30 ދުވަހުގެ މުއްދަތެކެވެ. ނަމަވެސް މުއްދަތު ހަމަވުމުން ކޯޓަށް ހާޒިރުކުރުމުން ޝަރުތުތަކަކާއެކު އޭނާ ވަނީ ދޫކޮށްލާފަ އެވެ.
ފުލުހުން މިއަދު ބުނީ ކޯޓު އަމުރެއްގެ ދަށުން އެމީހާ މިއަދު އަލުން ހައްޔަރުކޮށްފައިވާ ކަމަށެވެ.
advertisment