ގޭންގުތަކަށްވުރެން ސަރުކާރަށް ނުރައްކާވަނީ “އިންޑިއާ އައުޓް” ބެނާތަކުން: އިދިކޮޅު

ދިވެހިރާއްޖޭގައި ހަރަކާތްތެރިވާ ގޭންގުތަކަށްވުރެން ރައީސުލްޖުމުހޫރިއްޔާ އިބްރާހިމް މުހައްމަދު ސޯލިހުގެ ސަރުކާރަަށް ނުރައްކާތެރިކަމަކަށްވަނީ “އިންޑިއާ އައުޓް” ހަރަކާތުގެ ދަށުން ދަމާ ބެނާރތައް ކަމަށް ޕީޕީއެމްގެއިން ބުނެފި އެވެ.

ސަރުކާރުން އިސްނަގައިގެން އއ އުކުޅަހުގައި ކުރިއަށް ގެންދިޔަ ވިއަތި ކޮންފަރެންސްގައި، ދިވެހި ރާއްޖޭގައި ހަރަކާތްތެރިވަމުންދާ ގޭންގުތަކާއި މެދު ފުލުހުންގެ މުއައްސަސާއިން ހިއްސާކޮށްފައިވާ މައުލޫމާތުތަކާއި މެދު ޓްވީޓެއް ކުރައްވާ ހީނާ ވިދާޅުވީ، މިހާރުގެ ސަރުކާރަށްް، ދިވެހި ރާއްޖޭގައި ހަރަކާތްތެރިވާ ގޭންގުތަކަށް ވުރެން “އިންޑިއާ އައުޓް” ބެނާރތަކަކީ ގައުމީ ސަލާމަތައް ނުރައްކާތަކެއް ކުރިމަތިކުރާ އެއްޗެއް ކަމަށެވެ. އަދި “އިންޑިއާ އައުޓް” ކެމްޕެއިންގައި ބައިވެރިވާ ފަރާތްތައް “ވަގުތުން ވަގުތަށް” ހިފާ ހައްޔަރު ކުރުމުގެ މަސައްކަތް ފުލުހުންގެ މުއަައްސަސާއިން ކުރަމުންގެންދަނީ އެހެންކަމުން ކަމަށް ހީނާ ވަނީ ފާހަގަކުރަށްވާފައިއެވެ.

Mi sarukaarah mi kan kamah vure emme nurakkaatheri echaky #IndiaOut banner. E echehhin gaumy salaamathah “varah nurakkaa”vaathy e gendhavany vaguthun vaguthah hifaa hayyarukoh adhabu dhemun. #DhashuNuvey pic.twitter.com/2eDV9lzS0S

— Heena Waleed 🇲🇻 (@HeenaWaleed) May 28, 2022

ސަރުކާރުގެ ފަރާތުން ކުރިއަށްގެންދިޔަ ވިއަވަތި ކޮންފަރެންސްގައި ފުލުހުން ވަނީ ދިވެހި ރާއްޖޭގައި ހަރަކާތްތެރިވާ ގޭންގުތަކާއި މެދު މައުލޫމާތުތަކެއް ހާމަކޮށްފައިއެވެ. އެހެންކަމުން ފުލުހުން ބުނެފައިވާގޮތުން ދިވެހި ރާއްޖޭގައި 1900 ވަނަ އަހަރުން ފެށިގެން މިއަދާއި ހަމައަށް 44 ގޭންގެއް އުފެދިފައިވާކަމަަށް އެ މުއައްސަސާއަށް ފާހަގަކުރެވިފައިވާކަމަށެވެ. މީގެ ތެރެއިން އެންމެ ބޮޑަށް ހަރަކާތްތެރިވާ ކަމަށް 9 ގޭންގެއް ފާހަގަކުރެވިފައިވާ އިރު، އެންމެ ބޮޑަށް ކުއްތަކަށް އަރައިގަންނަކަމަށް ފާހަގަކުރެވިފައިވަނީ 10 ގޭންގެއް ކަމަށް ފުލުހުންވަނީ ހާމަކޮއްފައިއެވެ. އަދި މި ހުރިހާ ގޭންގެއް ހަރަކާތްތެރިވަމުންދަނީ ދެކުނުގެ ދެ އަތޮޅަކާއި މާލެ ސިޓީގައި ކަމަށާއި، އުތުރުރާއި މެދުގައި މިވަގުތު ކުދި ގުރޫޕުތަކެއް ވާނަމަވެސް މުސްތަގުބަލުގައި ގޭންގުތަަކެއް ފަދައިން ބިނާވެ ހަރަކާތްކުރުމުގެ ފުރުސަތުތަކެއް އޮތްކަމަށްވެސް ފުލުހުންވަނީ ފާހަގަކޮށްފައިއެވެ.

އިދިކޮޅުން މިހެން ވިދާޅުވެފައިވާ އިރު، މިދިއަ މަސްތަކުގެ ތެރޭގައި މާރާމާރީތައް ހިނގާ އެތައް ބަޔަކު ޒަހަމްކޮށްލާފައިވާކަމަށްވެސް ފާހަގަކުރެވެއެވެ. އަދި މިފަދަ ކަންކަން ހުއްޓުވުމަށް ފުލުހުންގެ މުއައްސަސާއިން އެތަކެއް ބަޔަކު ހައްޔަރުކޮށްފައިވާކަންވެސް ފާހަގަކުރެވެއެވެ.