ވަށަފަރު ބައި- އިލެކްޝަނުގައި ޕީޕީއެމްގެ ކެޑިޑޭޓު ޒުހާ އިބްރާހީމް އެކަނި ކުރިމަތިލުމުން އޭނާވަނީ އިންތިހާބަކާނުލައިހޮވިފައިކަމަށް އިލްކްޝަންސް ކޮމިޝަންގެ ނައިބު ރައީސް އިސްމާއިލް ހަބީބް ހާމަކުރައްވައިފިއެވެ.
މިފަދައިން ޓްވީޓެއް ކުރައްވާ ހަބީބް ވަނީ ޕީޕީއެމަށް މަރުހަބާ ދަންނަވާފައެވެ.
ވަށަފަރު އ.ތ.މ.ކ. ބައި-އިލެކްޝަނުގައި ޕީޕީއެމްގެ ޒުހާ އިބްރާހީމް އެކަނި ކުރިމަތިލުމުން އޭނާވަނީ އިންތިހާބަކާނުލައިހޮވިފައި. މަރުޙަބާ @ProgressPartyMV ސިޔާސީ ޕާޓީ ތަކުގެ އެންމެ ބޮޑު މަގްސަދަކީ އިންތިހާބުތަކުގައި ވާދަކުރުން. އެހެންޕާޓީތައް ކޮބައިތޯ؟@ElectionsMv
— Ismail Habeeb (@IsmailHabeeb) June 3, 2022
އޭނާގެ ޓްވީޓުގައި ވަނީ ސިޔާސީ ޕާޓީތަކުގެ އެންމެ ބޮޑު މަގްސަދަކީ އިންތިހާބުތަކުގައި ވާދަކުރުންކަމަށާއި ނަމަވެސް އިންތިހާބުގައި އިތުރު ޕާޓީއެއް ވާދަކޮށްފައި ނުވާތީ އެހެން ޕާޓީތައް ކޮބައިތޯ ސުވާލު އުފައްދަވާފައެެވެ.
މީގެ އިތުރަށް އަންހެނުންގެ ތަރައްގީއާއި ބެހޭ ކޮމިޓީގެ މަގާމުތަކަށް މީހުން އިންތިހާބު ކުރުމަށްޓަަކައި ބޭއްވިގެންދާ އިންތިހާބުތަކަށް ޕާޓީތަކުގެ ސަމާލުކަން ނުލިބޭކަން ފާހަގަކޮށްލެވެއެެވެ.
އއ. އުކުޅަހުގައި ލާމަރުކަރީ ނިޒާމު އިތުރަށް ހަރުދަނާ ކުރުމާއި ބެހޭ މަޝްވަރާ ކުރެއްވުމަށް މެދު ރާއްޖެ ތެރެއަށް ނިސްބަތްވާ ކައުންސިލަރުން އަދި އަންހެނުންގެ ތަރައްގީއަށް މަސައްކަތް ކުރައްވާ ފަރާތްތަކާއިއެކު “ވިއަވަތި ރާއްޖެ” މި ނަމުގައި ބޭއްވިގެން ދިޔަ މަހާސިންތާގެ ތެރެއިންވެސް މިފަދަ ވާހަކަތަކެއް ވަނީ ހިއްސާކުރެވިފައެވެ. އެގޮތުން ގައުމުގެ ކަންކަން ނިންމުމުގައި އަންހެނުންގެ ހިއްސާ އިތުރު ކުރެވިގެންދިޔަ ނަމަވެސް ކައުންސިލްތަކާއި އަދި އިތުރު އިދާރާތަކުންވެސް މިކަމަށް އެއްބާރުލުން ނުދެއްވާކަމުގައި ގިނަ ކަނބަލުންތަކެއް ފާހަގަކުރެއްވިއެވެ. އަދި އެ ފަރާތްތަކުް މަސައްކަތް ކުރަންވަންވީ މާހައުލު ހެދިފައިނުވާކަމަށާއި އަދި އިތުރު ޝަކުވާތަކާއި ކަންބޮޑުވުންތައްވެސް ހިއްސާކުރެވިގެންދިޔައެވެ.
advertisment