ޒިނޭ ޘާބިތުކުރަން ގެންނަން ޖެހެނީ ހަތަރު ހެކިން ކަމަށާއި ހަތަރު ގަނޑު ފޮޓޯނޫންކަމަށް ޑރ.މުޙައްމަދު އިޔާޒް ވިދާޅުވެއްޖެއެވެ.
ޑރ.އިޔާޒް މިގޮތަށް ޓުވީޓުކޮށްފައިވަނީ އެމްޑީޕީގެ ރައީސް އަދި ރައްޔިތުން މަޖިލީހުގެ ރައީސް މުޙައްމަދު ނަޝީދު، ރައީސުލް ޖުމްހޫރިއްޔާ އިބްރާޙިމް މުޙައްމަދު ޞާލިހުގް އިސްތަށިފުޅުގައި ޒިނޭގެ ތުހުމަތު އަޅުވާ އެމަނިކުފާނމު ޒިނޭކުރާ 4 ގަނޑު ފޮޓޯއިންކަމަށް ބުނުމުންނެވެ.
ޒިނޭގެ ތުހުމަތު ޘާބިތުކުރަން ގެންނަންޖެހެނީ ހަތަރު ހެކިން. ހަތަރު ގަނޑު ފޮޓޯއެއް ނޫން. @MohamedNasheed.
މިވަރުގެ އަސާސީ ކަންތައް ނޭނގޭ މީހަކު @mvpeoplesmajlis ގެ ރިޔާސަތުގައްޔާއި @MaldivesJSC ގައި ބަހައްޓަން ހެޔޮނުވާނެ.#ImpeachNasheed— Dr.Mohamed Iyaz (@dr_iyaz) July 31, 2022
ރައީސް ނަޝީދަށް ރައްދުދެއްވާ ޑރ.އިޔާޒް ވިދާޅުވީ ޒިނޭގެ ތުހުމަތު ޘާބިތުކުރުމަށް ގެންނަންޖެހޭނީ ހަތަރު ހެކިންކަމަށާއި ހަތަރު ގަނޑު ފޮޓޯނޫންކަމަށެވެ. އަދި އެވަރުގެ އަސާސީ ކަމެއް ނޭނގޭ މީހަކު ރައްޔިތުން މަޖިލީހުގެ ރައީސްކަމުގަޔާއި ޖޭއެސްސީގައި ބަހައްޓަން ހެޔޮނުވާނެކަމަށް ޑރ. އިޔާޒް ބުނެފައިވެއެވެ.
ޤައުމުގެ ވަލީއުލްއަމުރުގެ އިސްތަށިފުޅުގައި އެއްވެސް ހެއްކެއްނެތި މިފަދަ ބޮޑު ތުހުމަތުތަކެއް އެޅުވުމާއެކު ސަރުކާރުގެ އިސްފަރާތްތަކުގެ ނުރުހުން ރައީސް ނަޝީދަށް އަމާޒުވިއެވެ. އެއާއެކު އެމްޑީޕީގެ ގިނަ މެންބަރުންވެސް ރައީސް ނަޝީދު އެމްޑީޕީގެ ރައީސްކަމުން ދުރުކުރުވުމަށް ގޮވާލިއެވެ. ނަޝީދު އެ މަޤާމުން ވަކިކުރުމަށް އެމްޑީޕީން ދަނީ އޮންލައިން ޕެޓިޝަނެއްގައި ސޮއިވެސް ކުރަމުންނެވެ.
One Response
އެހެންވީމަ ގްރޫޕް ސެކްސް ނުހަދައެއް ޒިނޭއެއް ސާބިތެއް ނުވާނެ!