އެމަނިކުފާނަށް ވެރިކަމުގެ ދެވަނަ ދައުރެއް ލިބިވަޑައިގެންފިނަމަ އެއްޖިންސުން ގުޅުން ހިންގާ ފަރާތްތަކާއިމެދު އަވަސް ފިޔަވަޅުތަކެއް އަޅާނަންކަމަށް އިދިކޮޅުގެ ރިޔާސީ ކެންޑިޑޭޓު ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ނޫސްވެރިންނާއި ބައްދަލުކުރައްވާ ނޫސްވެރިއެއްގެ ސުވާލަށް ޖަވާބުދެއްވަމުންނެވެ.
އެއްޖިންސުން ގުޅުން ހިންގާ ފަރާތްތަކާއިމެދު މި ސަރުކާރުން ފިޔަވަޅުނާޅާކަމަށް ބުނެ ގިނަ ބައެއްގެ ކަންބޮޑުވުން އޮތްއިރު ރައީސް ޔާމީން ވިދާޅުވީ އެމަނިކުފާނުގެ ވެރިކަމެއްގައި އިސްލާމީ ޝަރީއަތް ގާއިމް ކުރައްވާނަންކަމަށެވެ.
އެމަނިކުފާނުގެ ވެރިކަމުގައި ގިސާސް ނުހިފުނީ ކީއްވެތޯ ސުވާލުކުރުމުންވެސް ރައީސް ޔާމީން ވިދާޅުވީ އެމަނިކުފާނު އަބަދުވެސް ތާއީދު ކުރައްވަނީ އަދި ގާއިމް ކުރާނީވެސް އިސްލާމީ ޝަރީއަތްކަމަށެވެ. އަދި އެމަނިކުފާނުގެ އަރިހަށް މަރަށް މަރު ހިފަންޖެހޭ ފަރާތެއް ފޮނުވިނަމަ ގިސާސްވެސް ހިފާނަންކަމަށް ވިދާޅުވިއެވެ.
advertisment