ދެ މީހަކު އެކަހެރިވެ، ރުހުމުގައި ލިވާތުކޮށް ޒިނޭ ކުރިޔަސް އެހެން މީހަކަށް ވާނެ ގެއްލުމެއް ނެތް: އިބްރާ

އެކަހެރިވެ، ދެ މީހަކު ނުވަތަ އެއަށްވުރެއް ގިނަ މީހުން ރުހުމުގައި ޒިނޭ ކުރިއަށް އަދި ލިވާތު ކުރިޔަސް އެކަމުން އެހެން މީހަކަށް ވާނެ ގެއްލުމެއް ނެތްކަމަށް އެމްޑީޕީގެ ފުރަތަމަ ރައީސް އިބްރާހިމް އިސްމާއިލް (އިބުރާ) ވިދާޅުވެއްޖެއެވެ.

ޔޯގާ ހަމަނުޖެހުމާއި ގުޅިގެން ހައްޔަރުކުރި ބައެއް މީހުން ދޫނުކޮށްލާ ، އެއްޖިންސުން ގުޅުން ހިންގުމުގެ ތުހުމަތުގައި ހައްޔަރުކުރި ބައެއް މީހުން ދޫކޮށްލުމާއެކު އެތައްބަޔަކު ނުރުހުން ފާޅުކުރަމުންދާ މި ދަނޑިވަޅުގައި ޓުވީޓުކުރައްވާ އިބުރާ ވިދާޅުވީ ޒިނޭ އާއި ލިވާތު ކުރުމަކީ ކުށެއްކަމަށާއި އެހެންނަމަވެސް، އެ ކުށަކީ ދެމީހަކު ނުވަތަ އެއަށްވުރެއް ގިނަ މީހުން ރުހުމުގައި ، އެކަހެރިވެގެން ތިބެ ކުރި ކަމެއްނަމަ އެކަމަކުން އެހެން މީހެއްގެ ފުރާނައަށް، ޖިސްމަށް، މުދަލަށް ނުރައްކަލެއް ނެތްކަމަށެވެ.

އެހެންކަމުން އެހެންމީހެއްގެ މިނިވަންކަމަށް ހުރަސް ނޭޅޭނެ ކަމަށްވެސް އިބުރާގެ ޓުވީޓުގައި ވެއެވެ.

Ziney aa Livaath kurumakee kusheh. Ekushakee dhemeehaku, nuvatha eah vure ginameehun ruhumugai, ekaheri vegen thibe kuri kameh. Ekamun ehen meehegge furaana ah, jismah, mudhalah nurakkaleh neiy. Ehen meehegge minivan kamah huraheh neylhey.

Ekamah thuhumathu kuruvey meehunge…. https://t.co/x7PBgA36Bc

— Maverick Ibra (@ibramandhu) August 12, 2022

މީގެ އިތުރުން ޔޯގާގެ ހަރަކާތަކީ ބައެއްގެ މިނިވަންކަމަށް ހުރަސްއަޅާ ޖިސްމަށް އަނިޔާވާނެ އަމަލެއްގެ ގޮތުގައި އިބޫވަނީ ސިފަކުރައްވާފައެވެ.

”ޔޯގާ މައްސަލައަކީ އެހެން ބައެއްގެ މިނިވަންކަމަށް ހުރަސް އަޅާ، ޖިސްމަށް އަނިޔާ ދެވޭނެ އަމަލުތަކެއް ހިމެނޭ ގޮތަށް، އާންމު ތަނެއްގައި ހިންގި ޓެރަރިޒަމްގެ އަމަލެއް. ކުށުގެ ވެށިން ހައްޔަރުކުރި މީހުން އެބަތިބި. އެހެން ކަމަށްވާ ނަމަ އެމީހުން ދޫކޮށްފައި ތިބުމަކީ އެހެން މީހުންނަށް އޮތް ނުރައްކަލެއް“ އިބުރާ ވިދާޅުވިއެވެ.

އެއް ޖިންސުން ގުޅުން ހިންގާ ވީޑިއޯތަކެއް އާންމުވި މައްސަލައިގާ ހައްޔަރުކޮށްފައިވާ ގާނޫނީ ވަކީލް ނާޒިމް އަބްދުއްސައްތާރާއި ރައްޔިތުން މަޖިލީހުގެ ކުރީގެ މެންބަރު މުހައްމަދު ނަޝީދު (ކާނަލް) އާއި ފުލުހެއް ކަމަށްވާ އަބްދުލްރަހްމާން ރަފީއު ވަނީ ފުލުހުންގެ ބަންދުން ދޫކޮށްލާފައެވެ.