ސަރުކާރު ފެއިލްވުމުން، ފަސާދަވުމަކީ ވާނެ ގޮތް: އިބްރާހިމް އިސްމާއިލް

ސަރުކާރުން ރައްޔިތުންނަށް ދޭންޖެހޭ އަސާސީ ހިދުމަތްތައް ދިނުމުގައި ފެއިލްވެއްޖެ ހާލަތެއްގައި ގައުމުގެ ހާލަތު ގޯސްވެދިއުމަކީ ވާން އޮތް ކަމަށް އެމްޑީޕީގެ ކުރީގެ ރައީސް އިބްރާހިމް އިސްމާއިލް ވިދާޅުވެއްޖެއެވެ.

ކުޑަ ކުއްޖަކަށް ފުރައްސާރަކުރި މައްސަލައިގައި، ޓީޗަރެއްގެ ގޮތުގައި މަސައްކަތްކުރި ދިވެހި ފިރިހެނަކު ހަވަރަށް ދީފައިވާ ދަނޑިވަޅެއްގައި، އިބްރާހިމް ވިދާޅުވީ، ސަރުކާރުން ދިވެހިރައްޔިތުންގެ ރައްކައުތެރިކަން ކަށަވަރުކުރުމަށް ފެއިލްވެ، ގާނޫނު ތަންފީޒުކޮށް، އިންސާފު ގާއިމު ކުރުމަށް ފެއިލްވެއްޖެ ހާލަތެއްގައި ގައުމު ފަސާދަވެދިއުމަކީ ވާން އޮތް ގޮތްކަމަށެވެ.

When the state fails to provide security, enforce law and deliver justice, anarchy is inevitable.

The focus of government on populist demands at the cost of neglecting the functioning of state institutions, anarchy takes over.

The primary function of government is governance.

— Maverick Ibra (@ibramandhu) August 24, 2022

އިބްރާހިމް ވިދާޅުވީ، ސަރުކާރަކުން، ސިޔާސީ ގޮތުން ބާރުގަދަ މީހުން ރުއްސުމަށް އަމާޒު ހިފައި، އެ މީހުންގެ އެދުންތައް ފުއްދުމަށްޓަކައި، ރަނގަޅަށް މަސައްކަތް ކުރާ މުއައްސަސާތަކުގެ ބާރު ކަނޑުވާލުމުން ގައުމު ފަސާދަވުން ފެށިގެންދާނެކަމަށެވެ. އަދި ސަރުކާރެއްގެ އެންމެ ފުރަތަމަ ޒިންމާއަކީ، ގައުމެއްގެ ހުރިހާ ކަމެއް ބަލަހައްޓައި، ދަމަހައްޓައި، ވެރިކަމެއް ކުރުންކަމަށްވެސް އެނާ ފާހަގަކުރެއްވިއެވެ.

ގައުމު ފަސާދަވެގެންދަނީ، ސަރުކާރަކުން އަދާކުރަންޖެހޭ ޒިންމާތައް އަދާކުރުމަށް ފެއިިލްވުމުންކަމަށް އިބްރާހިމް ވިދާޅުވިއުރި، ދާދި ފަހުން، ކުޑަ ކުއްޖަކާ ބެހުނު މައްސަލައިގައި ތުހުމަތު ކުރެވޭ ޓީޗަރު ހަވަރަށް ދީފައިވާކަމާއި މެދު ފުލުހުންގެ މުއައްސަސާއިންވަނީ ކަންބޮޑުވުން ފާޅުކޮށްފައެވެ. އެގޮތުން އެފަދަ އަމަލުތައް ހިންގާ މީހުންގެ މައްޗަށް ފިޔަވަޅު އަޅާނެކަމަށްވެސް ފުލުހުންގެ މުއައްސަސާއިންވަނީ ފާހަގަކޮށްފައެވެ.