ދިވެހިރާއްޖެއިން ސިންގަޕޫރަށް ކަނޑައަޅުއްވާ ސަފީރުކަމަށް ހ ރުވާމާގެ އަހުމަދު ތަސްމީނު އަލީ އައްޔަންކޮށްފިއެވެ.
ތަސްމީނަށް ސަފީރުކަމުގެ ފަތްކޮޅު ހަވާލުކުރެއްވީ މިއަދު ހެނދުނު އެކަމަށްޓަކައި ރައީސް އޮފީހުގައި ބޭއްވި ހާއްސަ ރަސްމިއްޔާތެއްގައި ރައީސް އިބްރާހިމް މުހައްމަދު ސާލިހް އެވެ.
ތަސްމީން އަކީ އިނގިރޭސިވިލާތުގެ ޔުނިވަރސިޓީ އޮފް ވޯރިކްއިން އިކޮނޮމިކްސް ގެ ދާއިރާއިން ޑިގްރީ ހާސިލްކުރައްވާފައިވާ ބޭފުޅެކެވެ.
ތަސްމީން އަދާކުރައްވާފައިވާ މަގާމްތަކުގެ ތެރޭގައި ކުރީގެ ހޯމް މިނިސްޓަރު ކަމާއި މިނިސްޓްރީ އޮފް އެޓޯލްސްގެ އެޑްމިނިސްޓްރޭޝަންގެ މަގާމުގެ އިތުރުން ކެންދޫ ދާއިރާގެ ކުރީގެ މެމްބަރު ކަމުގެ އިތުރުން ރައްޔިތުންގެ މަޖިލީހުގެ ނައިބު ރައީސް ކަން ހިމެނެއެވެ.
advertisment