ނ ވެލިދޫ ދޯނި އެހެލާ ސަރަހައްދު ހެދުމުގެ މަޝްރޫއުގެ 56 ޕަސެންޓް މަސައްކަތް ނިމިފައިވާ ކަމަށް އެމްޓީސީސީ އިން ބުނެފިއެވެ.
ދޯނި އެހެލާ ސަރަހައްދާއި އެކުގައިވާ ހިއްކި ސަރަހައްދު ލެވެލްކުރުމުގެ މަސައްކަތުގެ 86 ޕަސެންޓް ވަނީ ނިމިފައެވެ.
މި މަޝްރޫއުގެ ދަށުން 1.5 ހެކްޓަރުގެ ސަރަހައްދެއްގެ ބިން ހިއްކުމާއި، 138،347 އަކަ މީޓަރުގެ ހިއްކި ސަރަހައްދު ލެވެލް ކުރުމާއި 214 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި 100 މީޓަރުގެ ސަރަހައްދެއްގައި ބޭރުތިށި ލުމުގެ މަސައްކަތް ހިމެނެއެވެ.
މި މަޝްރޫއު އަކީ 19.4 މިލިއަން ރުފިޔާގެ މަޝްރޫއެކެވެ.
