ހަތަރު ރަށެއްގައި ކުރިޔަށް ދިޔަ ބައި އިލެކްޝަނުގެ ގޮނޑިތައް އިދިކޮޅު ކޮންގްރެސް ކޯލިޝަނާއި ސަރުކާރުގެ މައި ޕާޓީ އެމްޑީޕީން ކާމިޔާބުކޮށްފި އެވެ.
މިއަދު ބާއްވާފައި ވަނީ ށ. މާއުނގޫދޫ ކައުންސިލްގެ ހުސްވެފައިވާ ގޮނޑީގެ ބައި އިލެކްޝަނާއި، ރ. ރަސްމާދޫ އާއި ތ. ގުރައިދޫ އަދި ލ. ދަނބިދޫގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިހާބެވެ.
މާއުނގޫދޫ ކައުންސިލްގެ ގޮނޑި ހުސްވެފައިވާތީ، އެގޮނޑިއަށް ކުރިމަތިލީ ކެނޑީޑޭޓުންގެ ތެރެއިން އިންތިހާބުގެ ގޮނޑި ކާމިޔާބު ކުރީ އެމްޑީޕީގެ ކެނޑިޑޭޓު ފާތިމަތު ޝިމާނާ އެވެ. މިއާއެކު، މާއުނގޫދޫ ރަށު ކައުންސިލުގައި ދެން ތިއްބަވާނީ އެމްޑީޕީގެ ތިން މެންބަރަކާއި، ޕީޕީއެމްގެ ދެ މެންބަރުންނެވެ.
ދަނބިދޫގެ ގޮނޑި ކާމިޔާބު ކުރީ އެމްޑީޕީގެ ޓިކެޓުގައި ވާދަކުރި އައިޝަތު ޒިޔާދާ އެވެ.
އިންތިހާބުގައި ވޯޓުލީ މީހުންގެ ނިސްބަތް މަދު ނަމަވެސް، ހަތަރު އިންތިހާބުގެ ޖުމްލަ ވޯޓުތައް އެއްކުރުމުން ގިނަ ވޯޓު ލިބެނީ ޕީޕީއެމަށެވެ. އެއީ 1،112 ވޯޓުންނެވެ. އެމްޑީޕީއަށް ހަތަރު ދާއިރާގެ އިންތިހާބުން ޖުމްލަ ލިބުނީ 713 ވޯޓެވެ.
advertisment