ރާއްޖޭގައި ސައިބަރ ސެކިއުރިޓީ ހަރުދަނާ ކުރުމަށް ބަހްރެއިން އާއެކު ސޮއިކޮށްފި

މިއަދު ސޮއިކުރި އެއްބަސްވުމުގެ ދަށުން ރާއްޖޭގެ ނެޝަނަލް ސެންޓަރ ފޯ އިންފޮމޭޝަން ޓެކްނޮލޮޖީ (އެންސީއައިޓީ) އާއި ދިރާގަށް، ބަހުރެއިންގެ އެންމެ ވަރުގަދަ ސައިބަރ ޑިފެންސް އޮޕަރޭޝަންގެ ފަރާތުން އެހީތެރިކަމާއި ވަސީލަތްތައް ފޯރުކޮށް ދިނުމަށް ވަނީ ހަމަޖެހިފައެވެ.  އެގޮތުން އެހީތެރިކަން ލިބޭ ކަންކަމުގެ ތެރޭގައި  ލަފާ ދިނުމާއި ކޮންސަލްޓިން އާއި ސެކިއުރިޓީ އިންޖިނިއަރިން އާއި ސައިބާ ޑިފެންސް ގެ އިތުރުން ސައިބަރ ތްރެޓް އިންޓަލިޖެންސް އަދި ތްރެޓް ހަންޓިންގ ގެ އިތުރުން އިންސިޑެންޓް ރެސްޕޮންސް ހިމެނެއެވެ.

ބަޓެލްކޯގެ ޗެއާމަން ޝޭހު އަބްދުﷲ ބިން ހަލީފާ އަލް ހަލީފާ ވިދާޅުވީ ބަޓެލްކޯއިން އެންމެ ފަހުން ތައާރަފުކުރި ޑިޖިޓަލް ކުންފުނި ބިޔޯން ސައިބާ މެދުވެރިކޮށް، ދިރާގާ ގުޅިގެން ރާއްޖޭގެ ސައިބަރ ސެކިއުރިޓީ ވަރުގަދަކުރުމުގެ މަސައްކަތުގައި އެހީތެރިކަން ފޯރުކޮށްދޭން އެމްއޯޔޫއެއްގައި ސޮއިކުރެއްވުނީތީ އެކަމާ ފަހުރުވެރިވާ ކަމަށެވެ.

މިރަސްމިއްޔާތުގައި އެންވަޔަރަމަންޓް އެންޑް ޓެކްނޮލޮޖީ މިނިސްޓަރު އައިމިނަތު ޝައުނާ ވިދާޅުވީ، ސައިބަ ސެކިއުރިޓީގެ ހާއްސަ މީހުންނަކީ ގައުމީ އަދި ބައިނަލްއަގުވާމީ ފެންވަރެއްގައި ޕްރައިވެޓް އަދި ޕަބްލިކް ސެކްޓަރުގެ ގިނަ އިސް މީހުންނާއެކު މަސައްކަތްކުރާ ބަޔަކަށް ވާން ޖެހޭ ކަމަށެވެ.

ރަސްމިއްޔާތުގައި ދިރާގުގެ ސީއީއޯ އިސްމާއިލް ރަޝީދު ވިދާޅުވީ ރާއްޖޭގެ ސައިބަރ ސެކިއުރިޓީ ހަރުދަނާ ކުރުމުގެ މަޝްރޫއުގެ ޒަރިއްޔާ އިން އެންސީއައިޓީއާ އެކު އިލްމާއި ތަޖުރިބާ ހިއްސާކޮށް، ސަރުކާރާއި ވިޔަފާރިވެރިންނާއި އާންމުންނަށް ވެސް ފައިދާކުރާނެ ކަމަށް އުއްމީދު ކުރައްވާ ކަމަށެވެ.