ރައީސުލްޖުމްހޫރިއްޔާގެ ނައިބު ފައިޞަލް ނަސީމް، މާޅޮސްމަޑުލު އުތުރުބުރީގެ ބައެއް ރަށްރަށަށް ކުރައްވާ ރަސްމީ ދަތުރުފުޅެއްގައި މިއަދު ފުރާވަޑައިގެންފިއެވެ.
ރ. އަތޮޅަށް ކުރައްވާ މި ރަސްމީ ދަތުރުފުޅުގައި ނައިބު ރައީސް ވަޑައިގެންނެވުމަށް ހަމަޖެހިފައިވަނީ ، އެއަތޮޅު އިނގުރައިދޫ އާއި އިންނަމާދޫ އަދި މާކުރަތު އަދި ދުވާފަރަށެވެ. ރ ވަންދޫއަށްވެސް ޒިޔާރާތްކުރައްވާނެއެވެ. މިރަށްރަށަށް ވަޑައިގެން އެރަށްރަށުގެ ކައުންސިލްތަކާއި، އ.ތ.މ ކޮމިޓީތަކާއި ބައްދަލުކުރައްވައި، ސިއްޙީމަރުކަޒުތަކަށާއި، އުނގޫފާރު ރީޖަނަލް ހޮސްޕިޓަލަށް އެމަނިކުފާނު ޒިޔާރަތްކުރައްވާނެކަމުގެ މައުލޫމާތު ރައީސް އޮފީހުން ދެއްވާފައިވެއެވެ.
މީގެ އިތުރުން ރ.ދުވާފަރުގައި އޮންނަ “ރ. ޓޫރިޒަމް އެކްސްޕޯ 2022” ގެ އެވޯޑު ދިނުމުގެ ޙަފްލާގައިވެސް ނައިބު ރައީސް ބައިވެރިވެވަޑައިގަތުމަށް ވަނީ ހަމަޖެހިފައެވެ.
މި ދަތުރުފުޅަށްފަހު ނަިއބު ރައީސް މާލެ ވަޑައިގަތުމަށް ހަމަޖެހިފައިވަނީ މާދަމާއެވެ.
advertisment