އދ މަންދޫ ބަނދަރުގެ އައު ހާބާރ ބޭސިން އާއި ނެރު ފުންކުރުމުގެ މަސައްކަތް ނިމިއްޖެ

އދ މަންދޫ ބަނދަރު ތަރައްގީ ކުރުމުގެ މަޝްރޫއުގެ ދަށުން އައު ހާބާރ ބޭސިން އާއި ނެރު ފުންކުރުމުގެ މަސައްކަތް ނިމިއްޖެއެވެ.
މި މަޝްރޫއުގައި މިވަގުތު ކުރިއަށްދަނީ އެއްގަމުތޮށީގެ ކޮންކްރީޓް މަސައްކަތާއި ގައު އެތުރުމުގެ މަސައްކަތެވެ.
މި މަޝްރޫއުގެ ދަށުން، 65،854 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި 236 މީޓަރުގެ ސަރަހައްދެއްގައި އެއްގަމުތޮށިލުމާއި 319 މީޓަރުގެ ސަރަހައްދެއްގައި ބޭރުތޮށިލުމާއި 71 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި 50 މީޓަރުގެ ސަރަހައްދެއްގައި ގްރޮއިންސް ޖެހުމުގެ މަސައްކަތް ހިމެނެއެވެ.
މީގެ އިތުރުން ބަނދަރު ބައްތި އާއި ނެރުބައްތި ހަރުކުރުމާއެކު 1180 އަކަ މީޓަރުގެ ސަރަހައްދެއްގައި ޕޭވްމެންޓް ހެދުމުގެ މަސައްކަތް ހިމެނެއެވެ.
މި މަޝްރޫއަކީ 31.08 މިލިއަން ރުފިޔާގެ މަޝްރޫއެކެވެ.