ސުލްހަވެރި ނުރައްކާތެރިކަމެއް ނެތް މުޖުތަމައެއް ކުޑަކުދިނަށް ގާއިމުކޮށްދޭން ޖެހޭ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިޙް ވިދާޅުވެއްޖެއެވެ.
ދުނިޔޭގެ ކުޑަކުދިންގެ ދުވަސް ފާހަގަކުރެއްވުމުގެ ގޮތުން ކުރެއްވި ޓްވީޓްގައި ރައީސް ސާލިހުވަނީ އެންމެހާ ކުޑަކުދިންނަށް އެ ދުވަހުގެ ތަހުނިޔާ ފޮނުއްވަވާފައެވެ. އަދި އެ ދުވަސް ފާހަގަކުރައްވާއިރު، ކުޑަކުދިންގެ މައްޗަށް އޮތް ޒިންމާތައް ހަނދުމަ ނުނެތޭކަމަށް އެމަނިކުފާނު ސިފަކުރެއްވިއެވެ.
Happy #WorldChildrensDay to all children. As we celebrate our children, we are ever mindful of our duty to ensure that every child realizes their full potential in a society that is inclusive, free of violence and harm and where their rights are fully protected.
— Ibrahim Mohamed Solih (@ibusolih) November 20, 2022
ރައީސް ސާލިހު ވިދާޅުވީ، އެ ޒިންމާއަކީ، ހުރިހާ ކުދިން ބޮޑުވެގެންދަނީ ސުލްހަވެރި، ނުރައްކާތައް ނައްތާލާފައިވާ މާހައުލެއްގެ ތެރޭގައި ބާކީ ނުވެކަން ކަށަވަރު ކުރުންކަމަށެވެ. އަދި އެ މާހައުލުގެ ތެރޭގައި ހުރިހާ ކުދިންގެ ހައްގުތައް ކަށަވަރު ކުރުމަކީވެސް ޒިންމާއިން ބައެއްކަމަށް ރައީސް ސާލިހުވަނީ ވިދާޅުވެފައެވެ.
