އެސްޓީއޯ އިން “އެކުލަމިކުލަ” ގެ ނަމުގައި ނިޕޯން ބްރޭންޑުގެ ޕްރޮމޯޝަނެއް!

އެސްޓީއޯ އިން “އެކުލަމިކުލަ” ގެ ނަމުގައި ނިޕޯން ޕެއިންޓުގެ ޕްރޮމޯޝަންއެއް ފަށައިފިއެވެ.

އެސްޓީއޯ އިން ކުރިއަށް ގެންދާ “އެކުލަމިކުލަ” ޕްރޮމޯޝަން ކުރިއަށްގެންދާނީ ޑިސެމްބަރު މަހުގެ އެއްވަނަ ދުވަހުން ފެށިގެން ނަވާވިސް ވަނަ ދުވަހުގެ ނިޔަލަށެވެ. 8 އިންސައްތަ އާއި 10 އިންސައްތައާއި ދެމެދު ޑިސްކައުންޓު ލިބިގެންދާ މި ޕްރޮމޯޝަން ކުރިއަށް ގެންދިއުމަށް ނިންމާފައިވަނީ އެސްޓީއޯ ކޮންސްޓްރަކްޝަން މެޓީރިއަލްސް މާލެ ،އެސްޓީއޯ ހުޅުމާލެ ފިހާރަ، އަދި އެސްޓީއޯ ލ ފޮނަދޫ ފިހާރަގައިކަމަށް އެ ކުންފުނިން ބުނެފައިވެއެވެ.

މީގެ އިތުރުން ނިޕޯން ބްރޭންޑަށް ހާއްސަ މި ޕްރޮމޯޝަންގެ ދަށުން އެ ބްރޭންޑުގެ އުފެއްދުންތައް ބައްލަވައިގަނެ ކުރައްވާ ކޮންމެ ވިޔަފާރިއަކާއެކު %10 ގެ ޑިސްކައުންޓް ލިބޭ ކޫޕަނެއް ލިބިވަޑައިގަންނަވާނެކަމަށާއި ދެން ކުރައްވާ ވިޔަފާރިއަކަށް މި ކޫޕަން ބޭނުންކުރެއްވޭނެ ކަމަށް އެސްޓީއޯއިން ބުނެފައިވެއެވެ.