މޯލްޑިވްސް ކޮލިފިކޭޝަން އޮތޯރިޓީ (އެމްކިޔުއޭ) އިން ގަބޫލުނުކުރާ ކަމަށް އިއުލާންކޮށްފައިސާ ސަނަދުތަކުގެ މައުލޫމާތު އިޝްތިހާރު ކުރަމުންދާތީ އެކަމަށް ސަމާލުވުމަށް އެ އޮތޯރިޓީއިން އެދިއްޖެއެވެ.
ރާއްޖޭގައި މަތީތައުލީމާއި ތަމްރީނުގެ ސަނަދުތައް ގަބޫލުކުރުމަކީ އެމްކިއުއޭ އަށް ގާނޫނީ ގޮތުން ހަވާލުކުރެވިފައިވާ ޒިންމާއެކެވެ. އެހެންކަމުން ދަރިވަރުން ހާސިލްކުރާ ސަނަދުތަކަކީ އެމްކިޔުއޭ ގަބޫލުކުރާ ސަނަދެއްތޯ ބެލުމަށް އަބަދުވެސް އެއިދާރާއިން ދަނީ އިރުޝާދު ދެމުންނެވެ.
އެމްކިޔުއޭއިން ކުރި އިއުލާނުގައި ބުނެފައިވަނީ ރާއްޖެއިން ބޭރުން ހާސިލްކުރާ މަތީ ތައުލީމުގެ ސަނަދުތަކަކީ އެ އޮތޯރިޓީއަށް ހުށަހަޅައިގެން އެ އޮތޯރިޓީ ގަބޫލުކޮށް އެކަމަށް ހާއްސަ ތައްގަނޑުޖަހައި ވެލިޑޭޓް ކޮށްފައިވާ ސަނަދުތަކަކަށް ވާންޖެހޭ ކަމަށެވެ.
ސަރުކާރުގެ އެކި ވުޒާރާތަކުން ވަޒީފާ ދިނުމުުގައި ބަލައިގަންނާނީ އެމްކިޔުއޭ އިން ގަބޫލުކޮށްފައިވާ ސަނަދު ކަމަށްވާތީ ސަނަދުތައް ގަބޫލުކުރިތޯ ވަކިން ބޮޑަށް ސަމާލުވުމަށްވެސް އެ އޮތޯރިޓީއިން ވަނީ އެދިފައެވެ.