ކަށުނަމާދު ޕޭޖު ހުއްޓާލުމަށް މާލެ ސިޓީ ކައުންސިލުން އަންގައިފި ކަމަށް ބުނެފި

ކަށުނަމާދު ޕޭޖް ހިންގުން ހުއްޓާލުމަށް ޕޭޖްގެ ވެރިފަރާތަށް މާލެ ސިޓީ ކައުންސިލުން އަންގައިފައިވާ ކަމަށް ޕޭޖްގެ ވަރިފަރާތުން ބުނެފިއެވެ.

ކަށުނަމާދާއި ބެހޭ މައުލޫމާތު މީސްމީޑިއާގައި ގެނެސްދޭ ޕޭޖެއް ކަމަށްވާ ކަށުނަމާދު އެމްވީ ހުއްޓާލުމަށް ސިޓީ ކައުންސިލުން އަންގާފައިވަނީ އަމިއްލަ ފަރުދެއްގެ ހައިސިއްޔަތުން އެކަން ނުކުރެވޭނެ ކަމަށް ބުނެއެވެ.

ކަށުނަމާދު ޕޭޖް ހިންގާ ފަރާތައް ޕޭޖް ހިންގުން މަނާކޮށް ، އެކަން ހުއްޓާލުމަށް މާލެ ސިޓީ ކައުންސިލުން އެންގިކަމަށް ދެކެވޭ ވާހަކައަކީ އެއްވެސް ހަގީގަތެއް އެކުލެވޭ ވާހަކައެއް ނޫންކަމުގައި ދަންނަވަމެވެ. 1/2

— Male' City Council (@MaleCitymv) December 19, 2022

ކަށުނަމާދު ޕޭޖްގެ ވެރިފަރާތް ކަމަށް ވާ އަހުމަދު މުނައްވަރަށް މާލެ ސިޓީ ކައުންސިލުން ކަށުނަމާދު ޕޭޖު ހުއްޓާލުމަށް އަންގާފައިނުވާނެ ކަމަށް ސިޓީ ކައުންސިލުން ވަނީ ބުނެފައެވެ. އެގޮތުން ސިޓީ ކައުންސިލުން ކުރި ޓްވީޓެއްގައި ބުނެފައިވާ ގޮތުން ކަށުނަމާދު ޕޭޖު ހިންގުން މަނާކޮށް އެކަން ހުއްޓާލުމަށް އެންގި ވާހަކައަކީ ހަގީގަތެއް އެކުލެވޭ ވާހަކައެއް ނޫން ކަމަށް ވަނީ ބުނެފައެވެ. އަދި ކައުންސިލްގެ އެއްވެސް އޮފިޝަލަކު ކަށުނަމާދު ޕޭޖު ހިންގާ ފަރާތަށް ރަސްމީ އެއްވެސް އެންގުމެއް އަންގާފައި ނުވާނެ ކަމަށް ވެސް ސިޓީ ކައުންސިލުން ވަނީ ބުނެފައެެވެ.

ކަށުނަމާދު އެމްވީ އަަކީ ނިޔާވާ މީހުންގެ ކަށުނަމާދާއި ބެހޭ މައުލޫމާތު ގެނެސްދެމުން އަންނަ ޕޭޖެކެވެ.