ހދ ކުޅުދުއްފުށީ ރީޖަނަލް ހޮސްޕިޓަލްގެ އޯޕީޑީ އިމާރާތުގެ މަސައްކަތް ނިމިފައިވާ ކަމަށް އެމްޓީސީސީ އިން ބުނެފިއެވެ.
ކުޅުދުއްފުށީ ރީޖަނަލް ހޮސްޕިޓަލް މަރާމާތުކުރުގެ މަޝްރޫއުގެ ދަށުން އެމްޓީސީސީ އިން ވަނީ އޯޕީޑީ އިމާރާތް ނިންމާ ހޮސްޕިޓަލްގެ މެނޭޖްމަންޓް އާއި ހަވާލްކޮށްފައެވެ.
މި މަޝްރޫއުގެ ދަށުން ވޯރޑް އިމާރާތް އެޅުމާއި، އައިސީޔޫ ޔުނިޓް އެޅުމާއި ލެބޯރެޓަރީ އިމާރާތް އެޅުން ހިމެނެއެވެ.
ހޮސްޕިޓަލްގެ އޯޕީޑީ އިމާރާތުގައި ބަލި މީހުން ބެލުމަށް ހާއްސަ 21 ރޫމަކާއި ޓްރީޓްމަންޓް ރޫމަކާއި ޕްރޮސީޖަރ ރޫމަކާއި އީސީޖީ ރޫމްގެ އިތުރުން އެކޯ ރޫމެއް ހިމެނެއެވެ.
މި މަޝްރޫއަކީ 30.3 މިލިއަން ރުފިޔާގެ މަޝްރޫއެކެވެ.
advertisment