އެމްއެމްޕީއާރްސީ ހިޔާނާތުގައި ތުހުމަތު ކުރެވޭ އެތައް ބައެއްގެ މައްސަލަ ނުބެލި އޮތުމުގެ ފުރިހަމަ ޒިންމާ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ނަންގަވަންޖެހޭނެކަމަށް މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމަރީގެ ވާދަވެރިކަން ބޮޑުވެ، ދެ ފެކްޝަނު ދެމެދު ބަހުގެ ހަމަލާތައް ރައްދު ކުރެވެމުންދާއިރު، ނިހާދު ވަނީ ރައީސް ނަޝީދުގެ މައްޗަށް ތުހުމަތުތަކެއް ކުރައްވާފައެވެ. އެނާ ވިދާޅުވީ، އެމްއެމްޕީއާރްސީ ހިޔާނާތުގައި ހިމެނޭ އެތައް ބައެއް ހިމާޔަތްކޮށްފައިވާކަމަށެވެ. އަދި އެކަން ކޮށްފައިވަނީ ރައްޔިތުންގެ މަޖިލީސް މެދުވެރިކޮށް ކަމަށް ފާހަގަކުރެއްވިއެވެ.
ނިހާދު ވިދާޅުވީ، ރައްޔިތުންގެ މަޖިލިސް މެދުވެރިކޮށް، ހިޔާނާތުގެ މައްސަލައިގައި ތުހުމަތު ކުރެވޭ އެތައް ބަޔަކަށް ހިމާޔަތް ލިބިފައިވުމުގެ ފުރިހަމަ ޒިންމާ ނަންގަވަން ޖެހެނީ ރައީސް މުހައްމަދު ނަޝީދު ކަމަށެވެ. އަދި އެގޮށް ހިމާޔަތް ކުރެއްވީ، އެމަނިކުފާނުގެ އަރިސް ބޭކަލުން ސަލާމަތް ކުރެއްވުމަށްޓަކައިކަމަށާއި، މައސަލަތައް ބެލުން ލަސްވެގެންދިޔައީ އެ ސަބަބައްޓަކައިކަމަށް ވިދާޅުވިއެވެ.
MMPRC ge massalaige himeney ethah baehge himaayathugai Eyge thereyah vadhe huttuvai gen thibee Rayyithun ge Majlis in! Ekamuge furihama zinmaa Majlis Raees nangavan jeheyne!
Dhiyaakoh ufuli, aris beykalunnaai ehenihen aris beykalun salaamaih kuran ulheythee Baeh massala lasvee…— Feydhoo Meehaa (Mohamed Nihad) (@nihad_m) January 22, 2023
އެމްއެމްޕީއާރްސީ ހިޔާނާތުގެ މައްސަލައިގެ ތަހުގީގުގެ ތެރެއަށް ނުފޫޒުތަކެއް ފޯރާފައިވާކަމަށް ފާހަގަކުރައްވާ ނިހާދު ވިދާޅުވީ، އެހާ ފިއްތުންތައް ބޮޑު އިރުވެސް މައްސަލަތައް ވަކި ވަކިން ބެލި އެތައް މައްސަލައެއް ދަނީ ކޯޓުގައި ހިނގަމުންކަމަށެވެ. އަދި ފައިސާ ހޯދުމަށް ހުކުމް ކުރެވެމުންދާކަމަށާއި، ކޮވިޑްގެ ދަތިތަކުގެ ސަބަބުން ލަސްވުމާއި، މަޖިލީހުގެ ސަބަބުން ކުރިމަތިވި ދަތިތަކާއި ދާދި އެއްވަރުކަމަށް އެނާ ސިފަކުރެއްވިއެވެ.