މާލޭ ސިޓީ ކައުންސިލުގެ މޭޔަރު ޑރ މުހައްމަދު މުއިއްޒުއަކީ ލޭ އޮހޮރުވުމަށް ޖާގަދެއްވާނެ ބޭފުޅެއް ނޫންކަމަށް އެ ކައުންސިލުގެ ޑެޕިއުޓީ މޭޔަރު އަހުމަދު ނަރީޝް ވިދާޅުވެއްޖެއެވެ.
މާލެ ސިޓީ ކައުންސިލުގެ މުއައްޒިފަކު ސޯޝަލް މީޑިއާގައި ލޭ އޮހޮރުވުމަށް ގޮވާލިކަމުގެ މައްސަލައެއް ފެންމަތިވުމާއި އެކު، މޭޔަރު މުއިއްޒުއަށް އެފަދަ ކަންކަމަށް ޖާގަ ދެއްވާކަމަށް ބުނެ އާންމުން ފާޑުކިޔަމުންދިއުމާއިއެކު، އެނާ ދިފާއު ކުރައްވާ ނަރީޝް ވިދާޅުވީ، މޭޔަރު މުއިއްޒުވަނީ އެ މައްސަލަ އެނާގެ ސަމާލުކަމަށް އައުމާއިކު ފިޔަވަޅު އަޅުއްވާފައިކަމަށެވެ.
Mayor @MMuizzu ge Samaal kamah massala aivaguthun feshigen vanee action nagaafa, ehvev irehgai PPM akee leyohoruvumah jaaga dheyne party eh noon adhi Mayor ves efadha furusatheh nudhevaane kan Eiee Yageen kameh! https://t.co/2H9Ui65VVl
— Ahmed Narysh (@ahmed_narysh) February 4, 2023
ނަރީޝް ވިދާޅުވީ، އިދިކޮޅު ޕީޕީއެމްއަކީ އެއްވެސް އިރެއްގައި ލޭ އޮހޮރުވުން ފަދަކަންކަމަށް ޖާގަދޭނެ ޕާޓީއެއް ނޫންކަމަށެވެ. އަދި މޭޔަރު މުއިއްޒުއަކީވެސް އެފަދަ ކަންކަމަށް ދެއްވާނެ ބޭފުޅެއް ނޫންކަމުގެ ޔަގީންކަން ދެއްވާކަމަށް އެނާ ވިދާޅުވިއެވެ.
ސޯޝަލް މީޑިއާ ޕްލެޓުފޯމެއް މެދުވެރިކޮށް މާލެ ސިޓީ ކައުންސިލުގެ މުއައްޒިފެއްވަނީ ރައީސް އިބްރާހިމް މުހައްމަދު ސާލިހަށް ފާޑުކިޔައި، އެމަނިކުފާނުގެ ވެރިކަން ލޭ އޮހޮރުމަކުން ނަމަވެސް ބަދަލުކުރަންވެއްޖެ ކަމަށް ބުނެފައެވެ. މި ޓްވީޓާއިއެކު ފުލުހުންގެ މުއައްސަސާއިންވަނީ އެ މައްސަލަ ބަލަމުންދާކަން ހާމަކޮށްފައެވެ.
advertisment