31 ޑިސެމްބަރުގެ ނިޔަލަށް ދިހަ ހާސް މެމްބަރުން ހަމަ ނުވާ ޕާޓީތަކަށްވެސް ދައުލަތުން ޕާޓީތަކަަށް ދޭ ފައިސާއިން ދީފައިވާކަން އިލެކްޝަންސް އިން ހާމަކޮށްފިއެވެ.
އިލެކްޝަންސްގެ ހިސާބުތަކުން ދައްކާގޮތުން، 2022 ވަނަ އަހަރުގެ ޑިސެމްބަރު މަހުގެ 31 ގެ ނިޔަލަށް ރެޖިސްޓްރީ ކުރެވިފައިވަނީ ޖުމުލަ 11 ޕާޓީއެވެ. އެ ޕާޓީތަކުގެ ތެރެއިން އެމްއާރްއެމް، އެމްޓީޑީ، ޑީއާރްޕީ، އަދި އެމްއެސްއެލްޑީޕީގައި އެ ތާރީހާއި ހިސާބަށް ތިބީ ތިން ހާހަށްވުރެ މަދު މެމްބަރުންނެވެ.
އިލްކްޝަންސް އިން ބުނެފައިވާގޮތުންން ކުރީގެ ރައީސް މައުމޫން އަބްދުލް ގައްޔޫމްގެ ޕާޓީ އެމްއާރްއެމްގައި އޭރު ރެޖިސްޓަރ ކުރެވިފައިވަނީ 2،993 މެމްބަރުންނެވެ. އަދި ކުރީގެ ނައިބު ރައީސް އަހުމަދު އަދީބުުގެ ޕާޓީ އެމްޓީޑީގައި 2.998 މެމްބަރުން ތިބިކަމަށާއި ޑީއާރްޕީގައި 2.264 މެމްބަރުންނާއި އެމްއެސްއެލްޑީޕީގައި 2612 މެމްބަރުން ތިބި ކަމަށް ބުނެފައިވެއެވެ.
2023 ފެބުރުވަރީ 21 ވީ އަންގާރަ ދުވަހުގެ ނިޔަލަށް ސިޔާސީ ޕާޓީތަކަށް މެންބަރުންގެ ގޮތުގައި ދަފްތަރު ކުރެވިފައިވާ އަދަދު @SecretariatMDA @MDPSecretariat @drpmaldives @AdhaalathOffice @Jumhooree_MV @ProgressPartyMV @MRM_Office @MNP_Secretariat @MTDSecretariat pic.twitter.com/JRYJ8KHlOX
— Elections Commission (@ElectionsMv) February 23, 2023
އެ ތާރީހުގެ ނިޔަލަށް އެންމެ ގިނަ މެމްބަރުން ތިބީ ވެރިކަން ކުރާ މައި ޕާޓީ އެމްޑީޕީގައެވެ. އެ ޕާޓީގައި ރެޖިސްޓަރ ކުރެވިފައިވަނީ 57،529 މެމްބަރުންކަމަށްވާއިރު، ޕީޕީއެމް- ޕީއެންސީ ގައި ޖުމުލަކޮށް ތިބީ 41،797 މެމްބަރުންނެވެ. އިލެކްޝަންސްއިން ހާމަކޮށްފައިވާ ގޮތުން 31 ވަނަ ދުވަހުގެ ނިޔަލަށް ގާސިމް އިބްރާހިމްގެ ޕާޓީ ޖޭޕީގައި ރެޖިސްޓަރު ކުރެވިފައިވަނީ 22،993 މެމްބަރުން ކަމަށެވެ.
ވެރިކަމުގެ ކޯލިޝަން ޕާޓީއެއް ކަމަށްވާ އަދާލަތު ޕާޓީގައި 31 ވަނަ ދުވަހުގެ ނިޔަލަށް ރެޖިސްޓްރީ ކުރެވިފައިވަނީ 9،765 މެމްބަރުންކަމަށް އިލެކްޝަންސްއިން ބުނެފައިވެއެވެ. އަދި އެމްޑީއޭގައި 10،448 މެމްބަރުން ތިބިކަމަށާއި އެމްއެންޕީގައި 9،937 މެމްބަރުން ތިބިކަމަށްވެސް އިލެކްޝަންސްއިން ބުނެފައިވެއެވެ.
އިލެކްޝަންސްއިން ވަނީ ޕާޓީތަކަށް ދިން ފައިސާގެ ތަފުސީތަކެއްވެސް އާންމުކޮށްފައެވެ. އެ ތަފްސީލުން ދައްކާ ގޮތުން ޑިސެމްބަރު މަހުގެ ނިޔަލަށް އަދާލަތު ޕާޓީ އަދި އެމްއެންފީއަށް 10،000 މެމްބަރުން ހަމަ ނުވެއެވެ. އެހެންނަމަވެސް އިލެކްޝަންސްއިންވަނީ އަދާލަތަށް 2.41 މިލިއަން އަދި އެމްއެންޕީއަށް 2.43 ދީފައިވާކަން ހާމަކޮށްފައެވެ.
advertisment