ރައީސް މާދަމާ ހިރިލަންދޫ އަށް ވަޑައިގަންނަވަނީ

ރަސްމީ ދަތުރުފުޅެއްގައި ރައީސް އިބްރާހިމް މުހައްމަދު ސާލިހް ތ ހިރިލަންދޫއަށް ވަޑައިގަތުމަށް ހަމަޖެހިއްޖެއެވެ.

ރައީސް އޮފީހުގެ ތަރުޖަމާން މިއުވާން މުހައްމަދު ޓްވީޓެއް ކުރައްވައި ވިދާޅުވީ ހިރިލަންދޫ ސްކޫލަށް 71 އަހަރު ފުރުމުގެ ރަސްމިއްޔާތުގައި ބައިވެރިވެ ވަޑައިގެންނެވުމަށް ރައީސް މާދަމާ އެރަށަށް ވަޑައިގަންނަވާނެ ކަމަށެވެ.

އާބާދީގައި 1200 އެއްހާ މީހުން ދިރިއުޅޭ ހިރިލަންދޫގައި ގިނަ ޒުވާނުންތަކެއް ވަޑާމުގެ މަސައްކަތުގައާއި މަސްވެރިކަމުގެ މަސައްކަތް ކޮށް އުޅެއެވެ.

މީގެ ކުރިން ރައީސް ސާލިހް ހިރިލަންދޫ އަށް ވަޑައިގެންފައިވަނީ 2021 ވަނަ އަހަރުގެ ނޮވެމްބަރު މަހުގެ ތެރޭގައެވެ.