ކުރިއަށް އޮތް ރިޔާސީ އިންތިހާބުގައި ލޯފަން ބޭފުޅުންނަށްވެސް އަމިއްލައަށް ވޯޓު އެޅުއްވުމުގެ ފުރުސަތު ލިބިވަޑައިގަންނަވާނެކަމަށް އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބު ވިދާޅުވެއްޖެއެވެ.
ބްލައިންޑު އެސޯސިއޭޝަނުންވަނީ ދިވެހިރާއްޖޭގެ އެކި މުއައްސަސާތަކާއިއެކު ވޯޓުލުމުގައި ކުރިމަތިވާ ދަތިތައް ހައްލުކުރުމަށް މަސައްކަތްތަކެއް ކޮށްފައެވެ. އަދި މައްސަލަތައް ހައްލުކުރާނެ ހަރަދު ކުޑަ ގޮތެއްވެސް ޖަމިއްޔާއިންވަނީ ހުށައެޅާފައެވެ.
ބަލައިންޑު އެސޯސިއޭޝަނުގެ ނައިބު ރައީސް ހުސައިން ޝަރީފްވަނީ ހަރު މެޓީރިއަލްއަކުން ވޯޓު ކަރުދާއާއި އެއްވަރު ފާނގަތަކެއް ކަނޑާފައިވާ ކަރުދާހެއް ބައްޓަން ކުރުމަށް ހިޔާލު ހުށައަޅުއްވާފައެވެ. މީގެ ކުރިންވެސް ލޯފަން ބޭފުޅުން ވޯޓު ލާއިރު، ގާތުގައި އެހީތެރިއަކު ހުރެއެވެ. އެހެންނަމަވެސް އެކަމުގެ ސަބަބުން ސިއްރު ވޯޓަކަށް ވެގެން ނުދާކަމަށް އެ ޖަމިއްޔާއިން ފާހަގަކުރެއެވެ.
އިންޝާ ﷲ
ރިޔާސީ އިންތިޚާބު 2023ގައި، ލޯފަން ބޭފުޅުންނަށް، އެ ބޭފުޅަކު އިޚްތިޔާރުކުރާ ކެންޑިޑޭޓެއްގެ ނަމާ ދިމާގައި، އެބޭފުޅަކު އަމިއްލަފުޅަށް، ފާހަގަ ޖެހުމުގެ ފުުރސަތު ލިބިގެންދާނެ. @ElectionsMv @mvpeoplesmajlis @MoGFSSmv https://t.co/XqCHbrizdP— Ismail Habeeb (@IsmailHabeeb) March 1, 2023
އީސީގެ ނައިބު ހަބީބްވަނީ މި ކަންބޮޑުވުންތައް ހައްލުކޮށްދެއްވުމަށް އިލެކްޝަންސްގެ ފުރިހަމަ އެއްބާރުލުން އޮތްކަން ހާމަކުރައްވާފައެވެ. އޭނާ ވިދާޅުވީ، 2023ގެ ރިޔާސީ އިންތިހާބުގައި ލޯފަން ބޭފުޅުންނަށް އިހުތިޔާރު ކުރާ ކެނޑިޑޭޓެއްގެ ނަމާއި ދިމާލުގައި އަމިއްލައަށް ފާހަގަޖެއްސެވޭނެކަމަށެވެ.