ކަށުނަމާދާއި ގުޅޭ މަޢުލޫމާތާއި މައްޔިތާގެ މައްޗަށް ކުރެވިދާނެ ދުޢާތަކާއި ދީނީ އިރުޝާދު ފޯރުކޮށްދިނުމަށް ފުރަތަމަ ފަހަރަށް އާސަހަރާގައި ސްކްރީން ހަރުކޮށްފިއެވެ.
މި މަސައްކަތްކޮށްފައިވަނީ މާލެސިޓީ ކައުންސިލާ ނަސޭހަތް ޖަމިއްޔާ ގުޅިގެންނެވެ.
Sahara aa Sahara miskithaa adhi mulhi Sahara compound tharagee kurumah @MaleCitymv in gina masakkaithakeh kurumah reyvi eyge baeh kankan mi roadha mahah mivanee kurevifai. Eki faraaithakun dhevvaa eheetherikamah nuhanu shukuru dhannavan. https://t.co/xFnjXdSUdc
— Dr Mohamed Muizzu (@MMuizzu) March 25, 2023
މިކަމާއި ގުޅިގެން މައުލޫމާތުދެއްވަމުން މާލެ ސިޓީގެ މޭޔަރ ޑރ މުހައްމަދު މުއިއްޒު ވިދާޅުވެފައިވަނީ ސަހަރާއާއި ސަހަރާ މިސްކިތާ އަދި މުޅި ސަހަރާ ކޮމްޕައުންޑް ތަރައްގީކުރުމަށް މާލެ ސިޓީ ކައުންސިލުން ގިނަ މަސައްކަތްތަކެއްކުރުމަށް ރާވާފައިވާކަމަށެވެ. އަދި އެގޮތުގެ މަތިން ބައެއް ކަންކަން މި ރޯދަ މަހަށް ކުރެވިފައިވާކަމަށް ވިދާޅުވެފައެވެ.
މުއިއްޒު ވަނީ އެކި ފަރާތްތަކުން މިކަމުގައި ދެއްވާ އެހީތެރިކަމަށް ޝުކުރު އަދާކޮށްފައެވެ.
މީގެ އިތުރުން ރަމަޟާން މަހަށް ހާއްސަކޮށް މާލެ ސިޓީ ކައުންސިލުން ކުރަމުންދާ މަސައްކަތްތަކުގެ ތެރޭގައި މަގުމަތީގަ ދަމާފަ ހުރި ލައިންތަކުގެ ދަވާދު އާކުރުން ހިމެނެއެވެ. އަދި ސައިކަލް ޕާރކިން ކުރެހުމުގެ މަސައްކަތްވެސް މާލެ ސީޓީ ކައުންސިލުން ދަނީ ކުރަމުންނެވެ. މިސްކިތްތަކުގެ އާބާތުރަ ފިލުމުގެ މަސައްކަތްވެސް ސިޓީ ކައުންސިލުންކޮށްފައިވެއެވެ.
advertisment