ވެރިކަން ކާމިޔާބުކުރުމަށް ކުރަމުންދިޔަ މަސައްކަތްތައް އެކުގައި ކުރިއަށް ގެންދެވެން ނެތުމަކީ ހިތާމައެއްކަމަށް އިގްތިސާދީ ވަޒީރު އެމްޑީޕީގެ ޗެއަރޕާސަން ފައްޔާޒު އިސްމާއިލް ވިދާޅުވެއްޖެއެވެ.
ރިޔާސީ އިންތިހާބާއި ގުޅުވައި އެމްޑީޕީގެ ތެރޭގައި ބޮޑެތި މައްސަލަތައް އުފެދިފައިވާއިރު، އެ ޕާޓީގެ ރައީސް މުހައްމަދު ނަޝީދުވަނީ އެމަނިކުފާނާއި ތާއީދުކުރައްވާ ފަރާތްތައް ކުރިއަށް އޮތް ރިޔާސީ އިންތިހާބުގައި ޖުމްހޫރީ ޕާޓީއަށް ކާމިޔާބީ ހާސިލުކޮށްދެއްވުމަށް މަސައްކަތްކުރައްވަމުންދާކަން ހާމަކުރައްވާފައެވެ.
ފައްޔާޒު ސޯޝަލް މީޑިއާ މެދުވެރިކޮށް ޝެއަރކުރެއްވި ޕޯސްޓެއްގައި އޭނާވަނީ ރިޔާސީ އިންތިހާބު ކާމިޔާބު ކުރެއްވޭނެކަމަށް ފާހަގަކުރައްވާފައެވެ. އޭނާ ވިދާޅުވީ، ކުޅިބައި މިހާރު އެތުރި ނިމެމުންދާކަމަށެވެ. އަދި ހަނގުރާމައިގެ މައިދާނުވެސް މިވަގުތު އޮތީ ތައްޔާރަށްކަމަށް އޭނާ ވިދާޅުވިއެވެ.
The pieces are falling into place. The battle ground is set. The known unknown is getting clearer. Looking forward to interesting days ahead. It is indeed a pity that we are unable to continue this journey together. Insha Allah 2023 and victory is ours. KKBK. #MDP2023
— Fayyaz Ismail (@faya_i) March 30, 2023
ފައްޔާޒު ވިދާޅުވީ، އެނާ ފޯރިގަދަ ދުވަސްތަކަކަށް އިންތިޒާރުކުރައްވާކަމަށެވެ. އެހެންނަމަވެސް ކުރަމުންދިޔަ ދަތުރު އެކުގައި ކުރިއަށް ގެންދެވެން ނެތުމަކީ ހިތާމައެއްގެ ގޮތުގައި ފައްޔާޒު ފާހަގަކުރެއްވިއެވެ. އޭނާ ދައްކަވަނީ ކޮން ފަރާތެއްގެ ވާހަކަ ކަން ސާފުކޮށްދެއްވާފައިނުވެވެ.
ފައްޔާޒު ވިދާޅުވީ، 2023 ގެ ރިޔާސީ އިންތިހާބަކީ އިރާދަކުރެއްވިއްޔާ އެމްޑީޕީގެ އެއްޗެއްކަމަށެވެ.
advertisment