މާލޭ ސަރަހައްދުގެ 28 މިސްކިތެއްގެ އިތުރުން 6 ތަނެއްގައި ބޮޑު ޖަމާއަތުގައި އީދު ނަމާދު ކުރާނެ ކަމަށް އިސްލާމިކް މިނިސްޓްރީން ހާމަކޮށްފިއެވެ.
ބޮޑު ޖަމާއަތުގައި ނަމާދު ކުރުމަށް ކުރަންޖެހޭ ހުރިހާ އިންތިޒާމުތައް އިސްލާމިކް މިނިސްޓްރީގެ ފަރާތުން މިހާރު ވަނީ ކޮށް ނިމިފައިކަމަށާއި ވާރޭ ވެހިއްޖެ ހާލަތެއްގައި މާލޭގެ ހުކުރު ނަމާދު ކުރާ ބޮޑެތި މިސްކިތްތަކަށް ޖަމާއަތް ބަދަލުވެގެންދާނެ ކަމަށް މިނިސްޓްރީގެ ފަރާތުން ވިދާޅުވިއެވެ.
މީގެ އިތުރުން ނަމާދަށް އަންނަ ފަރާތްތަކުން އަމިއްލަ ފެންފުޅި އާއި މުސައްލަ ހިފައިގެން އައުމަށާއި ގެއިން ވުޟޫކޮށްގެން އައުމަށް މިނިސްޓްރީން ވަނީ އިލްތިމާސްކޮށްފައެވެ. އަދި މިނިސްޓްރީގެ ފަރާތުން ވެސް ގޮނޑީގައި ނަމާދު ކުރާ ފަރާތްތަކަށް ގޮނޑި ދޭނެ ކަމަށާއި ނަމަވެސް އަމިއްލަ އަތުގައި ގޮނޑި ހުރެއްޖެ ނަމަ ހިފައިގެން އައުމަށް ވެސް ވަނީ އިލްތިމާސްކޮށްފައެވެ.
