ރައީސް ސާލިހު ނިޔާވެފައިވާ ވިޔަފާރިވެރިޔާ މުހައްމަދު ޒާހިރުގެ (އޯކޭ ޒާހިރު) އާއިލާއަށް ތައުޒިޔާ ފޮނުއްވައިިިފިއެވެ.
އިގްތިސާދުކުރުމުގެ ދާއިރާއިން ގައުމީ އިނާމު ހާސިލުކޮށްފައިވާ މަޝްހޫރު ވިޔަފާރިވެފިޔާ ޒާހިރު ނިޔާވުމާއިއެކު ރައީސް ސާލިހުވަނީ އެމަނިކުފާނުގެ އެކްސް އެކައުންޓުން ތައުޒިޔާގެ މެސެޖެއް ކުރައްވާފައެވެ.
ރައީސް ސާލިހު ވިދާޅުވީ ޒާހިރުއަކީ ރާއްޖޭގައި ސިޔާސީ އިސްލާހީ މަސައްކަތްތަކުގައި ގިނަ ގުރުބާނީތަކެއް ވެވަޑައިގެންފައިވާ ބޭފުޅެއްކަމަށެވެ. އަދި އޭނާއަކީ ގިނަ ހިދުމަތްތަކެއްވެސް ގައުމަށް ކޮށްދެއްވާފައިވާ މީހެއްކަމަށާއި ޒާހިރުގެ އާއިލާއަށް އިހުލާސްތެރިކަމާއިއެކު ތައުޒިޔާ ދައްނަވާކަމަށް ހިއްސާކުރެއްވިއެވެ.
އެމްޑީޕީގެ ޗެއަރޕާސަން ފައްޔާޒް އިސްމާއިލްވެސް ވަނީ އެކްސްގައި ޕޯސްޓެއްކުރައްވާފައެވެ. އޭނާ ވިދާޅުވީ، ޒާހިރުއަކީ އެމްޑީޕީއަށާއި ރާއްޖޭގެ ޑިމޮކްރެސީއަށް މުހިންމު ހިދުމަތްތަކެއް ކޮށްދެއްވި މީހެއްކަމަށެވެ. އަދި އޭނާ ނިޔާވުމުގެ ހިތާމައިގައި ބައިވެރިވެ ތައުޒިޔާ ދަންނަވާކަމަށް ފައްޔާޒް ވިދާޅުވިއެވެ.
