ދިވެހިރާއްޖޭގެ މާލީ ހާލަތާއި ގުޅޭ މައުލޫމާތުތައް ސާފުކޮށް ރައްޔިތުންނަށް ކިޔައިދިނުމަށް ކުރީގެ ރައީސް މުހައްމަދު ނަޝީދު އިލްތިމާސްކުރައްވައިފިއެވެ./
ބީއެމްއެލްއިން ޑޮލަރު ލިމިޓުކޮށް ބޭންކުގެ ކާޑެ ބޭނުންކުރުމުގެ އުސޫލަށް ބަދަލުތައް ގެނެސްފައިވާކަން އިއުލާންކުރުމާއިއެކު ފެންމަތިވެފައިވާ މައްސަލަތަކަށް އަލިއަޅުއްވައި ރައީސް ނަޝީދުވަނީ ރާއްޖޭގެ މާލީ ހާލަތު އިންތިހާއަށް ގޯސްވެފައިވާކަމަށް ސިފަވެގެންދާ ސޯޝަލްމީޑިއާގައި ޕޯސްޓެއްކުރައްވާފައެވެ. އެމަނިކުފާނު ވިދާޅުވީ، މިވަގުތަކީ ހުރިހާ ސިޔާސީ ލީޑަރުންގެވެސް ޒިންމާ ބޮޑު ދަނޑިވަޅެއްކަމަށެށެވެ.
ރައީސް ނަޝީދު ވިދާޅުވީ، މާލީ ހާލަތު މިހާރު އޮތް މިންގަނޑަށް ގޯސްވެގެންދިޔަ ގޮތް ރައްޔިތުންނަށް ތިލަކޮށްދޭންޖެހޭކަމަށެވެ. އަދި ދެން ވެދާނެކަމަށް ލަފާކުރެވޭ ގޮތުގެ މައުލޫމާތުތައްވެސް ރައްޔިތުންނާއި ހިއްސާކުރުމަށް އެމަނިކުފާނު އިރުޝާދު ދެއްވިއިރު މި ހާލަތު އަރައިގަތުމަށްޓަކައި ރާވާފައިވާ ކަންކަމުގެ ތަފްސީލުތައް ރައްޔިތުންނަށް ކިޔައިދޭންޖެހޭކަމަށް ވިދާޅުވިއެވެ.
