ރައީސް ޑރ. މުޙައްމަދު މުއިއްޒުގެ ވެރިކަމުގެ ފުރަތަމަ އަހަރު ފާހަގަކޮށްލެވޭ ގިނަ ކަންތައްތަކެއް ވަނީ ކުރެވިފައެވެ. ޚާއްޞަކޮށް މިނިސްޓްރީ އޮފް ޑިފެންސްގެ ދާއިރާއިން ވަނީ ގިނަގުނަ ކާމިޔާބީތަކެއް ހޯދާފައެވެ.
އެންމެ ފުރަތަމަ ފާހަގަކޮށްލަން ޖެހެނީ އެމް.އެން.ޑީ.އެފްގެ ޑްރޯން ޕްރޮޖެކްޓެވެ. މި ޕްރޮޖެކްޓަށް ބޭނުންވާ ފައިސާ ހޯދުމަށް ގިނަގުނަ މަސައްކަތްތަކެއް ކުރެވުނެވެ. އަދި މި މަސައްކަތް ޙަވާލުކުރުމަށް ސިވެކާއެކު ވެވުނު އެއްބަސްވުންތައް ވަސްވުންތައް ވަނީ ވަގުތުން ވަގުތަށް ހެދިފައެވެ. މީގެ ސަބަބުން ދިވެހި އަސްކަރިއްޔާގެ ޤާބިލުކަން އިތުރުވެ، ޤައުމީ ސަލާމަތަށް އިތުރު ބާރެއް ލިބިގެން ދިޔައެވެ.
ދެވަނައަށް ފާހަގަކޮށްލެވެނީ މާލެ ސިޓީގައި ފެންބޮޑުވާ މައްސަލައަށް ހައްލެއް ހޯދުމަށް ޤާއިމްކުރާ ސްޓޯމް ވޯޓަރ މިޓިގޭޝަން ނިޒާމެވެ. މި ނިޒާމު ޤާއިމުކުރުމަށް ބޭނުންވާ ޓެކްނިކަލް މީޓިންގްތަކުގައި މިނިސްޓްރީގެ ފަރާތުން ބައިވެރިވެ، އެކަމަށް ބޭނުންވާ ފައިސާ ހޯދުމަށް މަސައްކަތްކުރެވުނެވެ. އަދި މަސައްކަތް ޙަވާލުކުރުމަށް އާރު.ޑީ.ސީ އާއެކު ވެވުނު އެއްބަސްވުންތައްވެސް ވަނީ ވަގުތުން ވަގުތަށް ހެދިފައެވެ. މިއީ މާލޭގެ ރައްޔިތުންނަށް ލިބިގެންދާނެ ވަރަށް ބޮޑު ލުޔެކެވެ.
ހަމައެހެންމެ، ސިފައިންގެ އިމާރާތްތައް މަރާމާތުކުރުމުގެ މަސައްކަތްވެސް ވަނީ ސިވެކާއި ޙަވާލުކުރެވިފައެވެ. މިކަމަށް ބޭނުންވާ ފައިސާ ހޯދުމަށް ގިނަގުނަ މަސައްކަތްތަކެއް ކުރެވުނެވެ. މިނިސްޓްރީގެ އައު ޢިމާރާތުގެ މަސައްކަތްވެސް ވަނީ ކުރިއަށް ގެންދެވިފައެވެ. މިއީ ސިފައިންގެ މަސައްކަތަށް ލިބިގެންދާނެ ވަރަށް ބޮޑު ކުރިއެރުމެކެވެ.
މީގެ އިތުރުން، އިއްޒަތްތެރިން ރާއްޖެއިން ބޭރަށް ކުރައްވާ ދަތުރުތަކުގައި ސެކިއުރިޓީން ފުރުވާލުމަށް ކުރަންޖެހޭ ކަންކަން ވަނީ ކުރެވިފައެވެ. އަދި ކޯހަށް ދާ ސިފައިންނާއި އާއްމުންގެ ކަންކަންވެސް ވަނީ ވަގުތަށް ކުރެވިފައެވެ. ސިފައިންނަށް ދޫކުރާ ލޯނާއި ބޭހުގެ އެހީގެ ކަންކަންވެސް ވަނީ ލަސްނުކޮށް އޮންނަ ވަގުތަށް ކުރެވިފައެވެ.
ރައްޔިތުންނަށް ދެވޭ ޚިދުމަތްތައް އިތުރަށް ހަރުދަނާކުރުމުގެ ގޮތުން، ރައްޔިތުން ދޭ ޚިދުމަތަށާއި ވިއްކާ މުދަލަށް ދައްކަންޖެހޭ ފައިސާ ލަސްނުވެ ދެއްކޭނެ އިންތިޒާމް ވަނީ ހަމަޖެއްސިފައެވެ. މިއީ ރައްޔިތުންނަށް ލިބިގެންދާނެ ވަރަށް ބޮޑު ލުޔެކެވެ.
މަޢުލޫމާތު ހޯދާ ލިބިގަތުމުގެ ޙައްޤުގެ ޤާނޫނުގެ ދަށުން ހޯދުމަށް އެދޭ މަޢުލޫމާތުތަކުގެ ތެރޭގައި ޤައުމީ ސަލާމަތާއި ގުޅުންހުރި ކަންކަން ހިމެނޭތީ، އެފަދަ ފަރާތްތަކަށް ޖަވާބުދިނުމުގައި މިހާރު ދިމާވަމުންދާ ދަތިތަކާއި މައްސަލަތައް ޙައްލުކުރުމަށްޓަކައި ބަންޑާރަނައިބުގެ އޮފީހާ މަޝްވަރާކޮށްގެން މަސައްކަތްތަކެއް ވަނީ ކުރެވިފައެވެ. މިއީ ޤައުމީ ސަލާމަތާއި ރައްޔިތުންގެ ޙައްޤުތަކާ ދެމެދު ރަނގަޅު ބެލެންސެއް ހޯދުމަށް އެޅުނު މުހިންމު ފިޔަވަޅެކެވެ.މަދަނީ ވައިގެ ދަތުރުފަތުރުގެ ސަލާމަތާއި ރައްކާތެރިކަމަށްޓަކައި އޭވިއޭޝަން ސެކިއުރިޓީ ކޮމާންޑުން ކުރަމުންދާ މަސައްކަތްތައް ހަރުދަނާކުރުމަށް، ”މަދަނީ ވައިގެ ދަތުރުފަތުރުގެ ސަލާމަތާބެހޭ ބިލް“ އެކުލަވާލައި ބަންޑާރަނައިބުގެ އޮފީހަށް ފޮނުވުނެވެ. މި ބިލް އަވަސްކުރުމުގެ މަސައްކަތް ބަންޑާރަނައިބުގެ އޮފީހާއި ގުޅިގެން ކުރިއަށް ގެންދެވުނެވެ. މިއީ ރާއްޖޭގެ ވައިގެ ދަތުރުފަތުރުގެ ސަލާމަތާއި ރައްކާތެރިކަން އިތުރަށް ކަށަވަރުކުރުމަށް އެޅޭނެ މުހިންމު ފިޔަވަޅެކެވެ.
ސިފައިންގެ ކަންކަން ހިންގުމަށްޓަކައި އެކުލަވާލާފައިވާ ޤަވާއިދުތަކަށް ގެންނަންޖެހޭ އިޞްލާހުތައް ދެނެގަނެ، އެ އިޞްލާޙުތައް ގެނައުމަށްޓަކައި ބައެއް ޤަވާއިދުތައް ވަނީ ބަންޑާރަނައިބުގެ އޮފީހަށް ފޮނުވިފައެވެ. މިއީ ސިފައިންގެ ހިންގުން އިތުރަށް ހަރުދަނާކުރުމަށް އެޅޭ މުހިންމު ފިޔަވަޅެކެވެ.
ދިވެހިރާއްޖޭގެ ކަނޑުގެ ސަރަޙައްދުގެ ސަލާމަތާއި ރައްކާތެރިކަން ކަށަވަރު ކުރުމުގެ ގޮތުން ”ނޭޝަނަލް މެރިޓައިމް ސެކިއުރިޓީ ސްޓްރެޓެޖީ“ އެއް އެކުލަވާލުމުގެ މަސައްކަތް ކުރެވި، ވާރކިންގ ޑްރާފްޓް ވަނީ އެކުލަވާލެވިފައެވެ. މީގެ އިތުރުން، ނޭޝަނަލް ޑިފެންސް ސްޓްރެޓެޖީއެއް އެކުލަވާލުމުގެ މަސައްކަތްވެސް ވަނީ ފެށިފައެވެ. މި ދެ ސްޓްރެޓެޖީއަކީ ދިވެހިރާއްޖޭގެ ސަލާމަތާއި ރައްކާތެރިކަން ކަށަވަރުކުރުމަށް އެޅޭނެ އެންމެ މުހިންމު ފިޔަވަޅުތަކުގެ ތެރެއިން ދެ ފިޔަވަޅެވެ.
ރައީސް މުއިއްޒުގެ އެންމެ ފާހަގަކޮށްލެވޭ އެއް ކާމިޔާބީއަކީ އެމްއެންޑީއެފް އެއަރ ކޯރ އުފެއްދުމެވެ. 15 މާރިޗް 2024 ގައި އުފެއްދުނު މި ކޯރަކީ ދިވެހިރާއްޖޭގެ ތާރީޚުގައި މުޅިން އަލަށް އުފެއްދުނު ވައިގެ ބާރެކެވެ. މި ބާރުގައި އަންމޭންޑް އޭރިއަލް ވެހިކަލް (ޔޫއޭވީ) ބޭނުންކުރަން ފެށުމަކީ ދިވެހިރާއްޖޭގެ މިނިވަންކަމާއި އިސްތިޤްލާލާއި ސިޔާދަތު ޙިމާޔަތްކޮށް ދިފާޢުކުރުމަށް އެޅުނު ވަރަށް ހަރުދަނާ އަދި މުހިންމު ފިޔަވަޅެކެވެ.
މި ޚިދުމަތުގެ ސަބަބުން، ދިވެހި އަސްކަރިއްޔާއަށް 24 ގަޑިއިރު ރާއްޖޭގެ ސަރަޙައްދު މޮނިޓަރކޮށް ބެލެހެއްޓުމުގެ ޤާބިލުކަން ލިބިގެންދިޔައެވެ. މިއީ ޤައުމީ ސަލާމަތަށް ލިބުނު ވަރަށް ބޮޑު ކަށަވަރުކަމެކެވެ. މީގެ އިތުރުން، ރާއްޖޭގެ މަސްކަނޑުތަކުގެ ސަލާމަތާއި ރައްކާތެރިކަން ކަށަވަރުކުރުމާއި، ރާއްޖޭގެ ސަރަޙައްދުގެ ތެރޭގައި ޤާނޫނާ ޚިލާފު ކުށްތަކާއި ޢަމަލުތައް ހުއްޓުވުމަށްވެސް މި ޚިދުމަތުން ވަރަށް ބޮޑު އެހީތެރިކަމެއް ލިބިގެންދިޔައެވެ.ހަމަ އެދުވަހު، ދިވެހިރާއްޖޭގެ ސަރަޙައްދު ބެލެހެއްޓުމަށްޓަކައި އަންމޭންޑް ކޮމްބެޓް އޭރިއަލް ވެހިކަލް (ޔޫ.ސީ.އޭ.ވީ) ގެނެސް އޮޕަރޭޓްކުރަން ފެށުނެވެ. މި ވެހިކަލްތައް ތަޢާރަފުކުރެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެވެ. މާފަރު އިންޓަރނޭޝަނަލް އެއަރޕޯޓުގައި ބޭއްވުނު ޚާއްޞަ ރަސްމިއްޔާތެއްގައި މި ވެހިކަލްތައް ސިފައިންގެ ޚިދުމަތަށް ތަޢާރަފުކުރެވުނެވެ.
މީގެ އިތުރުން، ”ރަސްއައިން“ އެޕްލިކޭޝަން ތަޢާރަފުކުރެވުނެވެ. މި އެޕްލިކޭޝަނަކީ ސިފައިންގެ މަސައްކަތްތައް އިތުރަށް ހަރުދަނާކޮށް، ޒަމާނީ ޓެކްނޮލޮޖީގެ ބޭނުން ހިފުމަށް އެޅުނު މުހިންމު ފިޔަވަޅެކެވެ.
ހަމައެހެންމެ، ސިފައިންގެ އިމާރާތްތައް މަރާމާތުކުރުމާއި، ސިފައިންނަށް ދެވޭ ޚިދުމަތްތައް ހަރުދަނާކުރުމަށް އެޅުނު ފިޔަވަޅުތަކަކީވެސް ވަރަށް މުހިންމު ކަންތައްތަކެކެވެ. މި ކަންތައްތަކުގެ ސަބަބުން ސިފައިންގެ މަސައްކަތުގެ ފެންވަރު މަތިވެ، އެ ބޭފުޅުންނަށް އިތުރު ހިތްވަރަކާއި ޢަޒުމެއް ލިބިގެންދާނެއެވެ.ރައްޔިތުންނަށް ދެވޭ ޚިދުމަތްތައް އިތުރަށް ހަރުދަނާކުރުމަށް އެޅުނު ފިޔަވަޅުތަކަކީވެސް ފާހަގަކޮށްލަންޖެހޭ ކަންތައްތަކެކެވެ. ޚާއްޞަކޮށް މާލޭގައި ފެންބޮޑުވުމުގެ މައްސަލައަށް ހައްލެއް ހޯދުމަށް ޤާއިމްކުރެވުނު ސްޓޯމް ވޯޓަރ މިޓިގޭޝަން ނިޒާމަކީ ރައްޔިތުންގެ ދިރިއުޅުމަށް ވަރަށް ބޮޑު ލުޔެއް ގެނެސްދޭނެ ކަމެކެވެ.
