ކުދި އަދި މެދު ފަންތީގެ ވިޔަފާރިތަކަކީ ޤައުމެއްގެ އިޤްތިޞާދީ ދުވެލީގެ މައިގަނޑު ބާރަކަށްވާއިރު، މި ދާއިރާއަށް އެކަށީގެންވާ ސަމާލުކަމެއް ދިނުމަކީ ކޮންމެހެން މުހިންމު ކަމެކެވެ. ދިވެހިރާއްޖޭގައި މި ދާއިރާ ކުރިއެރުވުމަށް ކުރެވުނު މަސައްކަތްތަކުގެ ނަތީޖާ އެދެވޭ ގޮތެއްގައި ނުފެނުނު ނަމަވެސް، މިހާރުގެ ސަރުކާރުން މި ދާއިރާއަށް ޚާއްޞަ އަހައްމިއްޔަތުކަމެއް ދީ، އަންނަނިވި ފިޔަވަޅުތައް އަޅުތައް އަޅާފައިވެއެވެ:
1. ކުދި އަދި މެދު ފަންތީގެ ވިޔަފާރިތަކަށް ފަހި މާޙައުލެއް ޤާއިމުކުރުން
2. އަންހެނުންގެ ވިޔަފާރިވެރިކަން ކުރިއެރުވުމަށް ޚާއްޞަ އިސްކަމެއް ދިނުން
3. ޒަމާނީ ޓެކްނޮލޮޖީއާ އެއްހަމައެއްގައި ވިޔަފާރިތައް ތަރައްޤީކުރުމަށް މަގުފަހިކުރުން
މި ގޮތުން އެޅުނު މުހިންމު ފިޔަވަޅުތަކުގެ ތެރޭގައި:
– އެސްޑީއެފްސީގެ ލޯނު ޕޯޓްފޯލިއޯ ހުޅުވާލުން
– ”އޮތެންޓިކް މޯލްޑިވްސް“ ގެ ރީޓެއިލް އައުޓްލެޓެއް އއ. ތޮއްޑޫގައި ޤާއިމުކުރުން
– ”މަހަ ޕޯޓަލް“ ގެ ނަމުގައި އަންހެނުންނާއި ޒުވާން ވިޔަފާރިވެރިންނަށް ޚާއްޞަ އޮންލައިން ޕްލެޓްފޯމެއް ތަޢާރަފުކުރުން
– ”ހިޔަލަ ވީކެންޑް މާކެޓް“ ގެ ނަމުގައި އަންހެނުންގެ އުފެއްދުންތަކަށް ޚާއްޞަ މާރުކޭޓެއް ހުޅުވުން
– ”އިހުރު ބާޒާރު“ ގެ ނަމުގައި ދަނޑުވެރިންނަށް ޚާއްޞަ ބާޒާރެއް ތޮއްޑޫގައި ޤާއިމުކުރުން
މި ފިޔަވަޅުތަކަކީ ކުދި އަދި މެދު ފަންތީގެ ވިޔަފާރިތަކަށާއި، ޚާއްޞަކޮށް އަންހެނުންގެ ވިޔަފާރިތަކަށް ހިތްވަރުދީ، އެ ފަރާތްތަކުގެ އުފެއްދުންތެރިކަން އިތުރުކޮށް، ޤައުމީ އިޤްތިޞާދަށް އެފަރާތްތަކުގެ ހިއްސާ އިތުރުކުރުމަށް އެޅުނު މުހިންމު ފިޔަވަޅުތަކެކެވެ. މި މަސައްކަތްތައް ދެމެހެއްޓެނިވި ގޮތެއްގައި ކުރިއަށް ގެންދިއުމަކީ ދިވެހިރާއްޖޭގެ އިޤްތިޞާދީ ކުރިމަގަށް ވަރަށް މުހިންމު ކަމެކެވެ.
އިގްތިސާދީ އަދި މާލީ މުޢާމަލާތްތައް ލުއިފަސޭހަކުރުމާއި އީ-ކޮމާސް ފުޅާކުރުން:
ދިވެހިރާއްޖެއިން ޗައިނާއާއެކު ގާއިމުކޮށްފައިވާ ފްރީ ޓްރޭޑް އެއްބަސްވުމުގެ ދަށުން، ދިވެހި ވިޔަފާރިވެރިންނަށް ކުރިމަތިވެފައިވާ ޑޮލަރުގެ ދަތިކަން ޙައްލުކޮށް، މުޢާމަލާތްތައް ފަހިކުރުމަށްޓަކައި ސަރުކާރުން ވަނީ މުހިންމު ފިޔަވަޅުތަކެއް އަޅާފައެވެ. ރާއްޖެއަށް އެންމެ ގިނައިން މުދާ އެތެރެކުރާ އެއް ޤައުމުކަމަށްވާ ޗައިނާގެ ޕީޕަލްސް ބޭންކާއި ރާއްޖޭގެ އިޤްތިޞާދީ ވުޒާރާއިން ވަނީ އެ ޤައުމުގެ ފައިސާ ބޭނުންކޮށްގެން މުޢާމަލާތްތައް ކުރެވޭނެ އިންތިޒާމުތައް ހަމަޖެއްސުމަށްޓަކައި ފްރޭމްވޯކެއް ޤާއިމުކުރުމުގެ އެމް.އޯ.ޔޫއެއްގައި ސޮއިކޮށްފައެވެ. މިކަމުގެ ސަބަބުން ދިވެހިރާއްޖެ ބައިނަލްއަޤްވާމީ ވިޔަފާރީގެ މާޙައުލަށް ހުޅުވާލުމަށާއި، ޕާޓްނަރުންގެ ދެމެދު ކުރެވޭ މުޢާމަލާތްތަކަށް ރައީސުލްޖުމްހޫރިއްޔާ ދެއްވާ އަހައްމިއްޔަތުކަން ފާހަގަކުރެވޭކަމަށް މިނިސްޓްރީން ބަޔާންކޮށްފައިވެއެވެ.
ރާއްޖެއާއި އިންޑިއާގެ ދެމެދު އިޤްތިޞާދީ މުޢާމަލާތްތަކަށް ކުރިއަށްވުރެ ފަހި މާޙައުލެއް ޤާއިމުކުރުމުގެ ގޮތުން ކުރެވިފައިވާ މަސައްކަތްތަކުގެ ތެރެއިން ފާހަގަކޮށްލެވޭ ކުރިއެރުންތަކެއް ޙާޞިލުކުރެވިފައިވެއެވެ. އެގޮތުން ސަރުކާރުން ވަނީ ދިވެހިރާއްޖޭގައި ރޫޕޭ ކާޑު ތަޢާރަފުކޮށްފައިވާއިރު، ބޭންކް އޮފް މޯލްޑިވްސްއިން ވަނީ އެ ކުންފުނިން އެ ކާޑު ބަލައިގަންނާނެކަން އިޢުލާނުކޮށްފައެވެ.
ރާއްޖޭގެ ވިޔަފާރިތަކުން ބޭރު ޤައުމުތަކުގައި ކުރާ މުޢާމަލާތްތައް ހަރުދަނާކުރުމުގެ ގޮތުން ކުރެވުނު މަސައްކަތްތަކުގެ ތެރެއިން ފަހިވެފައިވާ ރޫޕޭ ކާޑުގެ ނިޒާމު ރާއްޖޭގައި ތަޢާރަފުކުރެވުނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިންޑިއާއަށް ކުރެއްވި ރަސްމީ ދަތުރުފުޅުގެ ތެރެއިންނެވެ. މި މަސައްކަތްތައް އިފްތިތާޙުކުރުމުގައި އެ ޤައުމުގެ ބޮޑުވަޒީރު ނަރޭންދްރަ މޯދީވެސް ބައިވެރިވެވަޑައިގެންނެވިއެވެ.
މިއީ ދިވެހިރާއްޖޭގެ މާލީ މުޢާމަލާތްތައް ލުއިފަސޭހަކުރުމަށާއި ޒަމާނީ މަގަކަށް އެޅުވުމުގެ ގޮތުން ކުރެވިފައިވާ މުހިންމު އިޤްތިޞާދީ މަސައްކަތެކެވެ. އަދި މިކަމުގެ ސަބަބުން ދިވެހިރާއްޖެއާއި އިންޑިއާގެ ދެމެދު ކުރެވޭ މިފަދަ މުޢާމަލާތްތައް އިތުރުވެ، އެ މަސައްކަތްތަކުގައި ޝާމިލުވާ ފަރާތްތަކަށް ބޮޑެތި ލުއިފަސޭހަތަކެއް ލިބިގެންދާނެކަމަށް ސަރުކާރުން ދެކެއެވެ.
ދިވެހިރާއްޖޭގެ ރައްޔިތުންނަށް އެތެރޭގެ މުޢާމަލާތްތައް ފަސޭހަކަމާއެކު ކުރިއަށް ގެންދެވޭނެ މަގު ފަހިކުރުމުގެ ގޮތުންނާއި، މި މަސައްކަތްތަކުގައި ހުރިހާ ރައްޔިތުންގެ ޝާމިލުވުން އިތުރުކުރުމަށްޓަކައިވެސް ފިޔަވަޅުތަކެއް އެޅިފައިވެއެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަދި މިނިސްޓަރު ސަޢީދުގެ އިރުޝާދުގެ ދަށުން، ދިވެހި ބޭންކުން ވަނީ ރާއްޖޭގެ ހުރިހާ ރަށެއްގައި އޭޓީއެމްގެ ޚިދުމަތް ތަޢާރަފުކުރުމަށް ނިންމާފައެވެ. މީގެ އިތުރުން، އިސްލާމީ އުސޫލުތަކުގެ މަތިން މާލީ މުޢާމަލާތްތައް ކުރެވޭނެ މަގު ފަހިކުރުމުގެ ގޮތުން އިސްލާމިކް ބޭންކުގެ އޭޓީއެމްގެ ޚިދުމަތްތައްވެސް އިތުރަށް ފުޅާކުރުމަށް ވަނީ ނިންމާފައިކަން ފާހަގަކުރެވެއެވެ.ރާއްޖެއަށް ޕޭޕަލްގެ ޚިދުމަތްތައް ރަސްމީގޮތުން އިންތިޒާމުކޮށްދިނުމަކީވެސް ސަރުކާރުން އަމާޒު ހިފާފައިވާ މުހިންމު މަސައްކަތެކެވެ. މި މަގު ފަހިކޮށްދިނުމުގެ ގޮތުން ސަރުކާރުން ވަނީ ރަސްމީ ޕްރޮޕޯސަލެއް އޮގަސްޓު މަހުގެ ތެރޭގައި ޕޭޕަލްއަށް ހުށަހަޅާފައެވެ. އަދި ޤާނޫނީ އޮނިގަނޑުގެ ތެރެއަށް ފެއްތުމުގެ ގޮތުން ކަމާބެހޭ ފަރާތްތަކާއެކު މަޝްވަރާތައް ކުރިއަށް ގެންގޮސް، މި މަސައްކަތްތަކުގައި ޝާމިލުވާނެ ދިވެހި ބޭންކުގެ މަޢުލޫމާތުތައްވެސް އެ ކުންފުންޏާ ޙިއްޞާކޮށްފައިވެއެވެ.
ދިވެހި ބޭންކުގެ ޑިޖިޓަލް ވޮލެޓުގެ މަސައްކަތްތައް ހުއްޓުމަކަށް އައިސްފައި އޮތުމަށްފަހު އަލުން ފެށިފައިވާއިރު، ސަރުކާރުން މި މަސައްކަތްތައް ފަށާފައިވަނީ ބަދަލުތަކެއް ގެނެސް ހަރުދަނާކުރުމަށްފަހުގައެވެ. އެގޮތުން މިހާރު އެ މަސައްކަތްތައް ތަޢާރަފުކޮށްފައިވަނީ ރާއްޖެއިން ބޭރުގެ މަނީ ޓްރާންސްފަރ ޕްލެޓްފޯމްތަކާއި ޑިޖިޓަލް ވޮލެޓްވެސް ހިމެނޭ ގޮތަށްކަން ފާހަގަކުރެވެއެވެ.
ޓިކްޓޮކް އަދި ޔޫޓިއުބް ފަދަ އެޕްލިކޭޝަންތަކުގޭޝަންތަކުގައި ދިވެހި އުފެއްދުންތެރިންނަށް މަންފާ ޙާޞިލުކުރެވޭނެ މަގު ފަހިކުރުމަށްވެސް މަސައްކަތްތަކެއް ކޮށްފައިވެއެވެ. ސަރުކާރުން ވަނީ ޔޫޓިއުބުގެ ”ކަންޓްރީ ޕާޓްނަރޝިޕް ޕްރޮގްރާމް“ ގައި ބައިވެރިވުމަށް ޕްރޮޕޯސަލް ހުށަހަޅައި، އެކަމާ ގުޅިގެން މަޝްވަރާ ބައްދަލުވުންތައްވެސް ކުރިއަށް ގެންގޮސްފައެވެ. މިއީ ޒަމާނީ މަސައްކަތްތަކުގައި ދިވެހިންގެ ޝާމިލުވުން އިތުރުކުރުމަށާއި، ދިވެހިންގެ އަޑު ބައިނަލްއަޤްވާމީ މައިދާނުގައި އިވިގެންދާކަން ކަށަވަރުކުރުމަށްޓަކައި މިޒަމާނުގައި ކޮންމެހެން އަޅަންޖެހި، ލަސްވެސްވެފައިވާ އުންމީދީ ފިޔަވަޅެކެވެ.
2. ރާއްޖޭގެ އެތެރޭގެ މާލީ މުޢާމަލާތްތައް އަވަސްވެ، ރައްކާތެރިކަން އިތުރުވެގެންދާނެއެވެ.
3. ދިވެހި ވިޔަފާރިވެރިންނަށް ބައިނަލްއަޤްވާމީ މާކެޓަށް ވަނުމުގެ ފުރުޞަތު ފަހިވެގެންދާނެއެވެ.
4. ޑިޖިޓަލް އިޤްތިޞާދަށް ރާއްޖެ ހުޅުވާލެވި، އޮންލައިން ވިޔަފާރިތައް ކުރިއަރައިގެންދާނެއެވެ.
5. ދިވެހި ޒުވާނުންނަށް އައު ވަޒީފާގެ ފުރުޞަތުތައް އުފެދިގެންދާނެއެވެ.މި ހުރިހާ މަސައްކަތްތަކަކީވެސް ދިވެހިރާއްޖޭގެ އިޤްތިޞާދު ވަރުގަދަކޮށް، ދެމެހެއްޓެނިވި ގޮތެއްގައި ތަރައްޤީކުރުމަށް އެޅޭ މުހިންމު ފިޔަވަޅުތަކެކެވެ. މި މަސައްކަތްތަކުގެ ސަބަބުން ދިވެހިރާއްޖެ ބައިނަލްއަޤްވާމީ މާލީ ވިއުގައާ ގުޅި، ޒަމާނީ އިޤްތިޞާދީ ވަސީލަތްތަކުގެ ބޭނުން ފުރިހަމައަށް ހިފުމުގެ ފުރުޞަތު ލިބިގެންދާނެއެވެ. މިއީ ދިވެހި ރައްޔިތުންގެ ދިރިއުޅުމުގެ ފެންވަރު މަތިކޮށް، ޤައުމުގެ ދުޅަހެޔޮކަން އިތުރުކުރުމަށް އެޅޭ ހަރުދަނާ ފިޔަވަޅުތަކެކެވެ.
