މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގެ ނައިބު މިނިސްޓަރުގެ މަގާމު ފުރުއްވަމުން ގެންދެވި އަހުމަދު ޝާފިއު އެ މަގާމުން އިސްތިއުފާ ދެއްވައިފިއެވެ.
އަހުމަދު ޝާފިއު އޭނާގެ އޮފިޝަލް އެކްސް އެކައުންޓުގައި ކުރެއްވި ޕޯސްޓެއްގައި މަގާމުން އިސްތިއުފާ ދެއްވިކަން އިއުލާން ކުރައްވާފައިވެއެވެ. ނަމަވެސް މަގާމުން އިސްތިއުފާ ދެއްވި ސަބަބެއް އޭނާ ހާމަކުރައްވާފައެއް ނުވެއެވެ.
އަހުމަދު ޝާފިއު މި މަގާމަށް އައްޔަންކުރެއްވީ 2023 ވަނަ އަހަރުގެ ނޮވެމްބަރު 26 ވަނަ ދުވަހުއެވެ. މި މަގާމާ ހަވާލުވެވަޑައިގަތުމުގެ ކުރިން އޭނާ މަސައްކަތް ކުރައްވަމުން ގެންދެވީ ގއ. ގެމަނަފުށީ ސްކޫލުގެ ޓީޗަރެއްގެ ގޮތުގައެވެ. އެ ދާއިރާގައި އޭނާ ވަނީ 5 އަހަރުގެ ތަޖުރިބާ ހޯއްދަވާފައެވެ.
