ސަންގުޓީވީގެ 10 ވަނަ އަހަރީ ދުވަހުގެ މުނާސަބާގައި ރައީސް ޑރ މުހައްމަދު މުއިއްޒު ތަހުނިޔާގެ މެސެޖެއް ފޮނުއްވައިފިއެވެ.
ރައީސް ޑރ މުއިއްޒު އަމިއްލަ އެކްސް އެކައުންޓުން އާންމުކުރައްވާފައިވާ މެސެޖުގައިވާގޮތުން ރާއްޖޭގެ ރައްޔިތުންނަށް ހަބަރާއި މައުލޫމާތު ތާޒާކޮށް ގެނެސްދިނުމުގައި އަދި ގައުމު ހޭލުންތެރިކުރުމުގައި ސަންގު ޓީވީން ކުރަމުންދަނީ ތައުރީފު ހައްގު މުހިންމު މަސައްކަތެކެވެ.
ދިވެހި ރައްޔިތުންނަށް ޚަބަރާއި މަޢުލޫމާތު ތާޒާކޮށް ގެނަސްދިނުމުގައި، އަދި ޤައުމު ހޭލުންތެރި ކުރުމުގައި، ސަންގު ޓީވީއިން ކުރަމުން ދަނީ ތާރީފު ހައްގު މުހިންމު ޚިދުމަތްތަކެއް.
އެމަނިކުފާނު ވިދާޅުވީ، މެދުކެނޑުމެއް ނެތި ސަންގުޓީވީ ހިންގަމުންދާތާ 10 އަހަރު ފުރޭ މި މުނާސަބާގައި ޓީވީގެ ހީވާގި ޓީމަށް ތަހުނިޔާއާއި މުބާރަކުބާދު ދަންނަވާކަމަށެވެ.
2015 ވަނަ އަހަރުގެ އެޕްރީލް މަހުގެ 30 ވަނަ ދުވަހު ސަންގު ޓީވީ އުފަންވެގެން އައި އިރު، ދިވެހިރާއްޖޭގެ މީޑިއާގެ މަޝްރަޙަކީ ނުހަނު ހަލަބޮލި އަދި ވާދަވެރި މާޙައުލެކެވެ. ޚާއްޞަކޮށް، ދިވެހިރާއްޖޭގެ މީޑިއާތަކުގެ ހިންގުމުގެ ދާއިރާއަށް ސިޔާސީ ނުފޫޒު ވަދެފައި އޮތް ދުވަސްވަރެއް ނަމަވެސް މިފާއިތުވެ ދިޔަ ދުވަސްތަކުގައި ގިނަ ކާމިޔާބީތަކެއް ވަނީ ހޯދާފަ އެވެ،
