އެލްޖީއޭގެ 2023 ވަނަ އަހަރުގެ އެމްޕްލޯއީ ޕާފޯމެންސް އެވޯޑު ދިނުމުގެ ރަސްމިއްޔާތު ބާއްވައިފިއެވެ.
އެލްޖީއޭއިން ބުނެފައިވާގޮތުން އެ މުއައްސަސާގެ 2023 ވަނަ އަހަރުގެ އެމްޕްލޯއީ ޕާފޯމެންސް އެވޯޑު ރަސްމިއްޔާތު ބާއްވާފައިވަނީ މި އަހަރުގެ މޭ މަހުގެ 2025 ވަނަ ދުވަހުގައިކަމަށެވެ. މި ހަފްލާ ޝަރަފްވެރިކޮށްދެއްވާފައިވަނީ އެ އޮތޯރިޓީގެ ރައީސް މިނިސްޓަރ އޮފް ސިޓީސް ލޯކަލް ގަވަރމެންޓް އެންޑް ޕަބްލިކް ވޯކްސް އާދަމް ޝަރީފް އުމަރުއެވެ.
މި ހަފްލާގައި އެވޯޑު ހާސިލުކުރި މުއައްޒަފުންނަށް އެވޯޑު ހަވާލުކުރީ ޝަރަފްވެރި މެހެމާނެއްގެ ގޮތުގައި ބައިވެރިވެވަޑައިގެންނެވި މިނިސްޓަރ އާދަމް ޝަރީފްގެ އިތުރުުން އެ މުއައްސަސާގެ ސީއީއޯ މުހައްމަދު ނިމާލްއެވެ.
އެލްޖީއޭގެ މި ރަސްމިއްޔާތުގައި ހަތަރު ކެޓަގަރީއަކުން ޖުމުލަ 8 އެވޯޑު ދީފައިވެއެވެ. އަދި 2023 ވަނަ އަހަރުގެ އެމްޕްލޯއީ ޕާފޯމެންސް އެވޯޑު ހާސިލުކުރި ފަރާތްތަކަށް ހާއްސަ ހަދިޔާތަކެއް ހުށައެޅިގެންދިޔައިރު އެތަކެތި ސްޕޮންސާ ކޮށްދީފައިވަނީ އުރީދޫގެ އިތުރުން ނައިޑް ލިވިންގް އާއި ޖިމް އެކްސްކަން ފާހަގަކޮށްލެވެއެވެ.
