ހުޅުމާލޭގެ ދެ ފިޔަވަހި ގުޅުވައިދޭ ޗެނަލް ސަރަހައްދުގެ މޫދުގައި އިންޖީނު ލީ އުޅަނދުފަހަރު ދުއްވުން މިއަދުން ފެށިގެން މަނާކޮށްފިއެވެ.
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން މިކަމާއި ގުޅޭ ގޮތުން މައުލޫމާތު ދެމުން ބުނީ، ސަރަހައްދަކީ ގިނަ އަދަދެއްގެ ކުޑަކުދިންނާއި ބޮޑެތި މީހުން ވެސް މޫދަށް އެރި މުނިފޫހިފިލުވަން އެ ސަރަހައްދެއްކަމަށެވެ. އެހެންކަމުން، ންޖީނުލީ އުޅަނދު އެ ޗެނަލުގައި ދުއްވުން މަނާކުރަން ނިންމީ، މޫދަށް އެރި އުޅޭ މީހުންގެ ރައްކާތެރިކަމަށާއި، މުރަކަ އިންދުމުގެ މަސައްކަތަށް ދަތިވާތީކަމަށް އެޗްޑީސީއިން ބުންޏެވެ.
އެޗްޑީސީއިން ވަނީ މިއަދު އެކަން މަނާކުރާނެކަން މިދިޔަ ހޯމަ ދުވަހުން ފެށިގެން އިއުލާންކޮށްފައެވެ.
މިއީ ވޯޓާސްޕޯޓްސް ހަރަކާތްތައްވެސް ހިންގާ ސަރަހަދެއްކަމަށްވާއިރު، ޖެޓްސްކީ، ބަނާނާ ރައިޑްފަދަ ކަންކަންވެސް އެ ތަނުގައި ކުރިއަށްދެއެވެ.
އެޗްޑީސީއިން މިހާރު އެ ސަރަހައްދުގައި ކުރިއަށް ގެންދާ މަސައްކަތަކީ ގަސް އިންދުމުގެ މަސައްކަތެވެ.
މި ތަނުގެ ފުން މިނުގައި 1.85 މީޓަރު އަދި ފުޅާމިނުގައި 50 މީޓަރު ހުރެއެވެ. މި ސަރަޙައްދަކީ މޫދަށް އެރުމާއި މަސްބޭނުމާއި އެކިކަހަލަ އެކްސްކާޝަން ހަރަކާތްތަކަށް ބޭނުންކުރާ ސަރަހައްދެކެވެ.
