އައްޑޫ ހިތަދޫ ގެއެއްގެ ތެރޭގައި، ދެމަފިރިއަކު ނިޔާވެފައި އޮއްވާ ފެނިއްޖެ އެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނީ،، ހިތަދޫގެ ގެއެއްގައި ދެ މީހަކު ނިޔާވެފައި އޮއް މައްސަލައެއް ހުށަހެޅުމާއި ގުޅިގެން ހަރަކާތެރިވަމުންދާކަމަށެވެ.
ނިޔާވެފައި ވަނީ ހިތަދޫ، އިބްރާހިމް އަބްދުﷲ (60 އ) އާއި، ނާރެސް/ މަރަދޫ، ފަރަހަނާޒް ރަޝީދު (52 އ.) އެވެ.
ފުލުހުން ބުނި ގޮތުގައި މައްސަލައިގައި މިހާތަނަށް ބެލިބެލުމުން، ތުހުމަތު ކުރެެވޭކަމެއް ފާހަގަކުރެވިފައި ނުވެއެވެ.
ދެ މީހުން ނިޔާވެފައި އޮއްވާ ފެނުނީ، ހަބަރެއް ނުވެގެން އާއިލާގެ މީހުން ގެއަށް ގޮސް ބެލުމުންނެވެ.
އެނގިފައިވާ ގޮތުގައި އެ ގެއަށް ދެމަފިރިން ބަދަލުވެފައި ވަނީ މީގެ ދެތިން ދުވަސް ކުރިންނެވެ.
