އޮމާންގެ ދުގުމް އިގްތިސާދީ ބަނދަރުގައި ހުރި ތެޔޮ ރައްކާކުރާ ޓޭންކަކަށް ޑްރޯން ހަމަލާއެއް އަމާޒުވެފައިވާ ކަމަށް އެ ގައުމުގެ މީޑިއާތަކުން ހާމަކޮށްފިއެވެ.
މި ހަމަލާގައި އެއްވެސް މީހަކަށް ޖިސްމާނީ އަނިޔާއެއް ލިބިފައި ނުވާއިރު، ލިބުނު މާއްދީ ގެއްލުންތައް އިތުރަށް ފެތުރިގެން ނުދާނޭހެން މިހާރު ވަނީ ކޮންޓްރޯލް ކުރެވިފައެވެ.
މިއީ މެދުތެރޭ އޮމާންގެ އަލް ވުސްތާ ގަވަރްނަރޭޓްގައި ހުންނަ މި މަރުކަޒަށް، ސަރަހައްދީ ހަމަނުޖެހުންތަކާ ގުޅިގެން އަމާޒުވި އެންމެ ފަހުގެ ހަމަލާއެވެ.
މިދިޔަ އާދީއްތަ ދުވަހުވެސް ދެ ޑްރޯން ބޭނުންކޮށްގެން ދިން ހަމަލާއެއްގައި ބޭރުގެ މަސައްކަތްތެރިއަކު ޒަހަމްވެފައިވާކަން ފާހަގަކޮށްލެވެއެވެ.
