ކުރިއަށް އޮތް ލޯކަލް ކައުންސިލް އިންތިޚާބުގައި އެމްޑީޕީގެ ޓިކެޓް ދިނުމަށް ބޭއްވި ޕްރައިމަރީގައި، މިހާރުގެ މޭޔަރު އަބްދުﷲ ސޯދިގު ކަޓުވާލުމަށް ފަހު އަލީ ނިޒާރު (ދެކުނު ނިޒާރު) ކުރި ހޯދައިފިއެވެ.
މިއަދު ބޭއްވި އިންތިޚާބުން އައަްޑޫ ސިޓީގެ މިހާާރުގެ މޭޔަރު ކަޓާފައިވާއިރު، ފުވައްމުލަކު ސިޓީގެ މޭޔަރު އަބްދުﷲ ފަލާހު ވެސް ވަނީ ނާކާމިޔާބުވެފައެވެ. އޭނާ ފަހަތަށް ޖައްސާލުމަށް ފަހު މޭޔަރު ކަމަށް ވާދަކޮށް އެމްޑީޕީގެ ޓިކެޓް ހޯދީ އިސްމާއިލް ރަފީގެވެ.
މާލޭގައި ވޯޓުލުން ކުރިއަށް ދިޔައީ ދަރުބާރުގެ އާއި އެމްޑީޕީގެ ހަރުގޭގެ އިތުރުން ބައެއް ސްކޫލުތަކުގަ އެވެ. ރަށްރަށުގައި އެ ޕާޓީގެ ހަރުގެތަކާއި ސްކޫލްތަކުގަ އެވެ.
ކައުންސިލް އިންތިހާބުގައި 179 ރަށު ކައުންސިލް، ހަތަރު ސިޓީ ކައުންސިލް އަދި 18 އަތޮޅު ކައުންސިލަކަށް ވާދަކުރަން އެމްޑޕީން ހުޅުވާލި ނަމަވެސް ޕްރައިމަރީ ބާއްވަން ޖެހިފައި ވަނީ 93 ރަށެއްގަ އެވެ. ޕްރައިމަރީ އަށް ނުގޮސް 400 ވަރަކަށް މީހުންނަށް ވަނީ ޓިކެޓް ލިބިފަ އެވެ.
