ދިވެހިރާއްޖެއަށް ކޮވިޑް-19 އިގެ ބިރު ބޮޑުވެ، ބަލި ފެތުރެމުންދާއިރު، ޑިފެންސް މިނިސްޓަރު މާރިއާ އަޙްމަދުދީދީގެ ޚިޔާލެއް ވެސް ނެތީތޯއޭ ވިދާޅުވެ، ކުރީގެ ނައިބު ރައީސް އަދި ރައީސް ޔާމީންގެ ޤާނޫނީވަކީލު މުޙައްމަދު ޖަމީލު އަޙްމަދު ސުވާލުއުފައްދަވައިފިއެވެ.
ޖަމީލު މިއަދު ކުރެއްވި ޓްވީޓެއްގައި ވިދާޅުވީ ކޮވިޑް-19 އިގެ ނުރައްކާތެރިކަން އިތުރުވެފައިވާ މި ދަނޑިވަޅުގައި، ދުނިޔޭގެ ހުރިހައި ޤައުމަކުން ވެސް ސިފައިންގެ އެހީހޯދާކަމަށެވެ. ޖަމީލު ވިދާޅުވީ ކޮވިޑް-19 އިގެ ބިރު ބޮޑުވެފައިވާ، މި ވަގުތުގައި ޑިޒާސްޓަރ ސެންޓަރ އޮޕަރޭޝަނަށް ގެނެސް، އެމްއެންޑީއެފުން ހަރަކާތްތެރިވާންވީ ވަގުތު އަދިވެސް ނާންނަނީތޯއޭ ވިދާޅުވެ ޖަމީލުވަނީ ސުވާލުއުފައްދަވާފައެވެ.
ދިވެހިރާއްޖެއަށް ކޮވިޑް-19 އިތުރުވަމުންދާ މި ދަނޑިވަޅުގައި އެމްއެންޑީއެފުން އަންނަނީ އެހީތެރިކަން ފޯރުކޮށްދެމުންނެވެ. މި ގޮތުން އެމްއެންޑީއެފުންވަނީ ކޮވިޑް-19 އާއި ގުޅިގެން، ދިވެހިރާއްޖެއަށް ގެނައި ބޭސް ޝިޕްމެންޓް ގުދަންކުރުމުގެ މަސައްކަތްތަކުގައި ވެސް ހަރަކާތްތެރިވެފައެވެ.
