މާލެއާއި ވިލިމާލެއާއި ހުޅުމަލޭ ސަރަޙައްދުގެ ރައްޔިތުންމިއަދު ހުކުރު ނަމާދުކުރުމުގެ ބަދަލުގައި، މިއަދު ކުރާނީ މެންދުރު ނަމާދުކަމަށް އިސްލާމިކް މިނިސްޓްރީން ހާމަކޮށްފިއެވެ.
https://twitter.com/MVIaffairs/status/1240666899072991232?s=20
އިސްލާމިކް މިނިސްޓްރީން ރޭ ކުރި ޓްވީޓެއްގައިވަނީ، ހުކުރު ނަމާދާއި، ޢީދު ނަމާދާއި، ކޭތަ ނަމާދާއި، އިސްތިސްޤާ ނަމާދު ފަދަ ޝިޢާރުތައް ޤާއިމުކުރުމަކީ ޝަރީޢަތުގައި ޙާކިމާއާ މަތިކުރެވިގެންވާ ޒިންމާއެއްކަމަށެވެ. މީގެ އިތުރުން، އިސްލާމިކް މިނިސްޓްރީން ހާމަކުރާގޮތުގައި، ކޮވިޑް-19 އާއި ގުޅިގެން އެ މިނިސްޓްރީން 18 މާޗްގައި ނެރުނު ސަރކިއުލާއާއި އެއްގޮތްވާގޮތުގެ މަތިން މާލެއާއި، ހުޅުމާލެއާއި ވިލިމާލޭގައިއުޅޭ ރައްޔިތުން މާޗް 20 ވާ ހުކުރުދުވަހު ގޭގައި ކުރާނީ 4 ރަކުޢަތުގެ މެންދުރު ނަމާދުކަމަށެވެ.
ކޯވިޑް-19 ދިވެހިރާއްޖޭގައި ފެތުރެމުންދާތީ، ވޭތުވެދިޔަ ބުދަ ދުވަހުން ފެށިގެން އަންނަ ހޮނިހިރު ދުވަހުގެ ޢަޞުރުނަމާދާއި ހަމައަށް
މާލެއާއި، ވިލިމާލެއާއި، ހުޅުމާލެއާއި، ރިސޯޓުތަކާއި، ސަރުކާރުން ލޮކްޑައުންކުރާ ރަށްތަކުގެ މިސްކިތްތަކުގައި ފަރުޟު ނަމާދުތަކާއި، ހުކުރު ނަމާދު ޖަމާޢަތުގައި ނުކުރާގޮތަށް އިސްލާމިކް މިނިސްޓްރީންވަނީ ނިންމަވާފައެވެ.
