ރާއްޖެއިން ކޮވިޑަށް ޕޮޒިޓިވްވި އިތުރު މީހަކު ރަނގަޅުވެފައިވާ ކަމަށް ނޭޝަަނަލް އޮޕަރޭޝަންސް ސެންޓަރު (އެންއީއޯސީ) އިން ހާމަކޮށްފިއެވެ.
މިރޭ އެންއީއޯސީން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. އިބްރާހިމް އަފްޒަލް ވިދާޅުވީ މިއަދު ބަލިން އެކަކު ރަނގަޅު ވެފައިވާ ކަމަށެވެ. ކޮވިޑް ބަލި ހުރި މީހެއް ބަލިން ރަނގަޅުވެފައިވާ ކަމަށް ކަނޑައަޅަނީ ދެ ސާމްޕަލް ނެގުމަށްފަހު ޑަބަލް ނެގެޓިވް ވުމުންނެވެ. އަދި އެ މީހެއްގެ ސާމްޕަލް ނަގާނީ، ފަރުވާއަށްފަހު ހުރިހާ އަލާމާތެއް ނެތި ދިއުމުންނެވެ.
ބަލިން ރަނގަޅުވެފައި ވަނީ ކޭސް 52 އެވެ. މިއީ މާލޭގައި އެންމެ ފުރަތަމަ ބަލި ޖެހުނު މީހުންގެ ތެރޭގައި ހިމެނޭ ކޭސްއެކެވެ. މިއާއެކު ރާއްޖެއިން ބަލިން ރަނަގަޅުވި މީހުންގެ އަދަދު ވަނީ 32 އަށް އަރައިފައެވެ.
ރޭ ވެސް މާލޭގައި ބަލި ޖެހުނު މީހުންގެ ތެރެއިން އެކަކު ވަނީ ރަނގަޅުވެފައެވެ. އެއީ ކޭސް 95 އެވެ
