ރާއްޖޭގައި ކޮވިޑަށް ޕޮޒިޓިވްވި މީހުންގެ އަދަދު 982 އަށް އަރާފައިވާކަަށް ނޭޝަނަލް އިމަޖެންސީ އޮޕަރޭޝަންސް ސެންޓަރުން ހާމަކޮށްފިއެވެ.
ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާން މުހައްމަދު މަބްރޫކު އަޒީޒު ވިދާޅުވީ، ރޭގެ ނޫސްވެރިންގެ ބައްދަލުވުމުން ފެށިގެން މި ރެޔާ ހަމައަށް އިތުރު 27 މީހަކު ކޮވިޑަށް ޕޮޒިޓިވް ވެފައިވާ ކަމަށެވެ.
މިއަދު މެންދުރު ބައްޔަށް 13 މީހަކު ޕޮޒިޓިވްވިއެވެ. އެއީ އަށް ދިވެހިންނާއި ބަންގުލަދޭޝްގެ ފަސް މީހުން ކަމަށް އެޗްޕީއޭ އިން ބުނެ އެވެ.
މިރޭގެ ނޫސްވެރިންގެ ބައްދަލުވުމުގައި ޑރ. އިބްރާހިމް އަފްޒަލް ވިދާޅުވީ، ރާއްޖޭގައި ކޮވިޑް ޖެހުނު މީހުންގެ ތެރެއިން އިތުރު ހަ ދިވެހިން މިއަދު ބަލިން ރަނގަޅުވެ، ޖުމްލަ އަދަދު 46 އަށް އިތުރުވެފައިވާ ކަމަށެވެ. ބަލިން ރަނގަޅުވި މީހުންގެ ތެރޭގައި ހިމެނެނީ ފަސް ފިރިހެނުންނާއި، އެއް އަންހެނެކެވެ.
