މާލޭގެ ބޮޑުތަކުރުފާނު މަގުގައި ގަވާއިދާ ޚިލާފަށް ޕާކުކޮށްފައި ހުންނަ އުޅަނދުތައް ނެގުމުގެ މަސައްކަތް ދިވެހި ފުލުހުންގެ ޚިދުމަތުން ކުރިއަށް ގެންގޮސްފިއެވެ.
އެ މަސައްކަތުގެ ދަށުން މި މަހުގެ އެކަކުން ފެށިގެން މިހާތަނަށް ހަތަރު ފުރޮޅުލީ ނުވަ އުޅަނދެއް ޓޯކޮށްފައިވާ ކަމަށް ފުލުހުން ބުންޏެވެ.
ފުލުހުން ބުނިގޮތުގައި، ހިނގާފައި އުޅޭ މީހުންނަށް ޚާއްސަކޮށްފައިވާ ދުވާރުތަކުގައި އާއި، އާންމު ދަތުރުފަތުރަށް ދަތިވާ ގޮތަށް ގިނަ ބަޔަކު އުޅަނދު ޕާކުކުރަމުންދާކަން ފާހަގަކުރެވިފައިވާ ކަމަށެވެ.
މަގުމަތީގައި ގަވާއިދާ ހިލާފަށް ޕާކުކުރުމަކީ ނުރައްކާތެރި އެކްސިޑެންޓުތައް ހިނގަން މެދުވެރިވާ ކަމަކަށްވާތީ، އާންމުންގެ ރައްކާތެރިކަމަށްޓަކައި އެފަދަ ކަންކަން ނުކުރުމަށް ފުލުހުން ވަނީ އިލްތިމާސްކޮށްފައެވެ.
މަގުމަތީގައި ގަވާއިދާ ހިލާފަށް ޕާކުނުކުރުމަށާއި، އެގޮތަށް ޕާކުކޮށްފައިވާ އުޅަނދުތައް ނެގުމަށް އެންމެހައި ފަރާތްތަކަށް ފުލުހުން އިލްތިމާސްކޮށްފައިވާއިރު އެ މަސައްކަތުގައި އާންމު ރައްޔިތުންގެ ފަރާތުން ލިބެމުންދާ އެއްބާރުލުމަށް ފުލުހުން ވަނީ ޝުކުރުއަދާކޮށްފައެވެ.
ބޮޑުތަކުރުފާނު މަގުގެ އިތުރުން ހުޅުމާލޭގައި ވެސް ގަވާއިދާ ހިލާފަށް ޕާކުކުރާ މައްސަލަ ފާހަގަކުރެވިފައިވާ ކަމަށް ފުލުހުން ބުނެއެވެ.
އެގޮތުން، ހުޅުމާލޭގެ ދުވާރުތަކުގައި މިފަހުން އުޅަނދުތައް ޕާކުކުރުން އިތުރުވަމުންދާތީ، އެކަން އެގޮތަށް ނުކުރުމަށް ފުލުހުން އަންގާފައިވެއެވެ. މަތުމަތީގައި ގަވައިދާ ޚިލަށްފަށް ޕާކުކުރާ އުޅަނދުތައް ޓޯކުރާ މައިގަނޑު ސަބަބުތަކުގެ ތެރޭގައި ހިނގާ މީހުންނަށް ދަތިވާގޮތަށް ޕޭވްމަންޓާއި ކްރޮސްވޯކް އަދި ނުކުޅެދުންތެރިކަން ހުންނަ މީހުންނަށް ޚާއްސަ ތަންތަނުގައި ޕާކުކުރުމާއި، މަގުތަކުގެ ކަންމައްޗާއި ދަތުރުފަތުރަށް ހުރަސްއެޅޭގޮތަށް ބެހެއްޓުން ހިމެނެއެވެ.
