ސަންގުން ދޮގެއް ނަހަދާނެ

ކުއްލި ޚަބަރު

އަބުރު ގެއްލެނީ އަމިއްލަ އަމަލުތަކުން، ވާހަކައެއް ފެތުރޭނީ ކޮންމެވެސް ހަގީގަތެއް އޮވެގެން: ރައީސް ނަޝީދު

ކުރީގެ ރައީސް އަދި އެމްޑީޕީގެ ޗެއަރޕާސަން މުހައްމަދު ނަޝީދު / ފޮޓޯ: ސަންގު
ޝެއާރކޮށްލާ ކަހަލަދޯ؟

އިންސާނެއްގެ އަބުރަކީ އަނެކަކު ކަންކަން މަނާކޮށްގެން ރައްކާތެރިކުރެވޭނެ އެއްޗެއް ނޫންކަމަށާއި، ކޮންމެ މީހަކުވެސް އެ މީހެއްގެ އަބުރު ރައްކާތެރިކުރަންޖެހޭނީ އަމިއްލައަށްކަމަށް ކުރީގެ ރައީސް އަދި އެމްޑީޕީގެ ޗެއާޕާސަން މުހައްމަދު ނަޝީދު ވިދާޅުވެއްޖެއެވެ.

ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރަށް ތިން އަހަރު ފުރުމާ ގުޅިގެން ”ސަންގު ޓީވީ“ އަށް ދެއްވި ހާއްސަ އިންޓަވިއުއެއްގައި ރައީސް ނަޝީދު ވިދާޅުވީ، އަބުރު ރައްކާތެރިކުރުމުގެ އެންމެ މުހިންމު އަސާސަކީ އަމިއްލަ މީހާގެ އަމަލުތައް ހުންނަ ގޮތް ކަމަށެވެ. އަދި އަމިއްލަ އަބުރު ގެއްލޭ ފަދަ ކަންކަމުގެ ތެރެއަށް މީހާ ހުށަނޭޅި ހުންނަން ޖެހޭކަމަށް ވިދާޅުވި އެވެ.

ރައީސް ނަޝީދު ވިދާޅުވީ، ފެތުރޭ ވާހަކަތަކަކީ އެއްވެސް މިންވަރެއްގެ ހަގީގަތެއް ނެތި ދެކެވޭނެ ވާހަކަތަކެއް ނޫން ކަމަށެވެ. އަދި ވިދާޅުވީ މިފަދަ ކަންކަމުގައި އެންމެ ބޮޑަށް ސަމާލުކަން ދޭންވީ ކޮންމެ މީހަކުވެސް އެމީހެއްގެ އަމިއްލަ އަމަލުތައް ރަނގަޅަށް ބެލެހެއްޓުމަށް ކަމަށެވެ.

ހަމައެއާއެކު، އެކަކު އަނެކެއްގެ އަބުރު ހިފެހެއްޓުމާއި، އަބުރު ގެއްލޭ ފަދަ ވާހަކަތައް ނުދެއްކުމަކީ މުޖުތަމައެއްގައި ވަރަށް ބޭނުންތެރި ކަމެއްކަންވެސް އެމަނިކުފާނު ފާހަގަކުރެއްވިއެވެ. ނަމަވެސް، އެކަންކަން ހުއްޓުވުމުގެ ނަމުގައި ހަދާ ގާނޫނުތަކުގެ ސަބަބުން ނުކުންނަ ނޭދެވޭ ނަތީޖާތައް ގިނަކަމަށް ވެސް ވިދާޅުވި އެވެ.

ރައީސް ނަޝީދު ވިދާޅުވި ގޮތުގައި، އަބުރުގެ ނަމުގައި ގާނޫނުތައް ހެދުމުން ފެނިގެންދަނީ އެ ގާނޫނުތައް ނާޖާއިޒު ގޮތުގައި ބޭނުންކުރެވޭ މަންޒަރެވެ. އަދި ދައްކާ ކޮންމެ ވާހަކައަކީ ތިމަންނާ ގަބޫލުކުރާ ގޮތްކަމަށް ހަދައި، އެފަދަ ގާނޫނުތައް ނުހަމަ ގޮތުގައި ބޭނުންކޮށްގެން ސިޔާސީ މަގުސަދުތަކުގައި މީހުންނަށް ގެއްލުން ދިނުމަކީ ބޮޑު މައްސަލައެއްގެ ގޮތުގައި ސިފަކުރެއްވިއެވެ.

ވަރަށް ގަދަ
0%ވަރަށް ގަދަ 0%ވަރަށް ގަޔާވޭ 0%ބޮޑު ޖޯކެއް 0%ހައިރާންވެއްޖެ 0%ވަރަށް ދެރަ 0%ރުޅިގަދަ ވަނީ
ލިޔުން ކިޔާލެވިއްޖެ ދޯ! ކޮބާ ޚިޔާލަކީ؟

ހިޔާލު ދެއްވާ!

Your email address will not be published. Required fields are marked *

ގުޅުންހުރި ލިޔުންތައް
ސަންގު ޓީވީގެ ހާއްސަ ޕްރޮގްރާމްތަކުގެ ތެރޭގައި: