ކޮވިޑަށް ޓެސްޓު ކުރި މީހުންގެ ތެރެއިން 33 މީހަކު ބައްޔަށް ޕޮޒިޓިވްވެގެން ރިޕޯޓުކޮށްފިއެވެ.
ވޭތުވެ ދިޔަ 24 ގަޑިއިރުގެ ތެރޭގައި ބައްޔަށް ޕޮޒިޓިވް ވި މީހުންގެ އަދަދު 33 އަށް އެރިއިރު މިއީ ފޭސް ދޭއްގެ ލުއިތަކަށްފަހު ގިނަ ކޭސްތަކެއް ފެނުނު ފުރަތަމަ ދުވަހެވެ. ބައްޔަށް ޕޮޒިޓިވް ވި މީހުންގެ ތެރޭގައި 12 ދިވެހިން ހިމެނޭއިރު، އޭގެ ތެރެއިން 18 މީހުން އެއީ ބަންގްލަދޭޝްގެ މީހުންނެވެ. އަދި އަނެއް 03 މީހުންނަކީ އިންޑިއާގެ ރައްޔިތުންނެވެ.
ކޮވިޑާއި ގުޅޭ އެންމެ ފަހުގެ މައުލޫމާތައް ހެލްތް ޕްރޮޓެކްޝަން އޭޖެންސީގެ ކޮވިޑަށް ހާއްސަ ވެބްސައިޓުން ލިބެން ހުންނާނެއެވެ. ކޮވިޑު ކޭސްތަކުގެ ތަފްސީލީ މައުލޫމާތައް އެ ވެބްސައިޓު މެދުވެރިކޮށް ލިބޭއިރު ކޮވިޑުގެ ތަފާސް ހިސާބުތައް ފޯރުކޮށް ދޭ ޑޭޝްބޯޑުގައި ވާ ގޮތުން މިހާތަނަށް ބަލީން ރަނގަޅު ވީ މީހުންގެ އަދަދަކީ 2،049 އެވެ.
ރާއްޖޭގައި މިހާތަނަށް ބަލި ޖެހުނު މީހުންގެ އަދަދު 2،468 އަށް އަރާއިރު، މިވަގުތު އެކްޓިވް ކޭސްތަކުގެ ގޮތުގައި ރިޕޯޓުކޮށްފައިވަނީ 404 ކޭސްއެކެވެ. އަދި މިއަދު 33 މީހަކަށް ކޮވިޑު ޖެހިގެން ވަނީ ރިޕޯޓުކޮށްފައެވެ. ރާއްޖޭގައި ކޮވިޑު ޖެހިގެން 11 މީހަކު ވަނީ ނިޔާވެފައެވެ.
