އައްޑޫ ސިޓީ ހިތަދޫގައި ހޯމް ކަރަންޓީނުގެ މުއްދަތު ހަމަކުރި އިތުރު މީހަކު ކޮވިޑަށް ޕޮޒިޓިވްވެފައިވާކަމަށް ހެލްތް އިމަޖެންސީ އޮޕަރޭޝަންސް ސެންޓަރުން ހާމަކޮށްފިއެވެ.
ބައްޔަށް ޕޮޒިޓިވް ވި މީހާއާއި ގުޅޭގޮތުން އެޗްއީއޯސީން ބުނެފައިވަނީ، އެއީ އުމުރުން 58 އަހަރުގެ އަންހެނެއް ކަމަށެވެ. އަދި އޭނާ ކޮވިޑަށް ޕޮޒިޓިވްވެފައިވާކަން އެނގުނީ ހޯމް ކަރަންޓީނުގެ 14 ދުވަސް ފުރިހަމަކުރުމުން ރިލީޒް ދިނުމަށް ނެގި ސާމްޕަލްއަށްފަހު ކަމަށް އެޗްއީއޯސީން ވަނީ ބުނެފައެވެ. ކޮވިޑަށް ޕޮޒިޓިވް ވި މީހާގެ ސާމްޕަލް ނަގާފައި ވަނީ މިއަދުގެ ވަގުތެއްގައި ކަމަށް އެޗްއީއޯސީން މައުލޫމާތު ދެއެވެ.
އެޗްއީއޯސީން ބުނެފައިވަނީ އައްޑޫއިން ޕޮޒިޓިވް ވި މީހާގެ ކޮންޓެކްޓް ޓްރޭސިން ހަދާ އެއްވެސް މީހަކާއި ބައްދަލުވެފައިވޭތޯ ބަލަމުން އަންނަ ކަމަށެވެ.
މިއީ ފާއިތުވި 24 ގަޑިއިރުގެ ތެރޭގައި އައްޑޫއިން ފެނުނު 03 ވަނަ ކޭސްއެވެ. މީގެ ތެރެއިން ދެ ކޭސްއެއް ފޭދޫއިން ފެނުނުއިރު އަނެއް ކޭސް ފެނިފައިވަނީ ފޭދޫއިންނެވެ.
